Forum Sardegna - Pregadorias antigas
    Forum Sardegna

Forum Sardegna
Nome Utente:

Password:
 


Registrati
Salva Password
Password Dimenticata?

 

    


Nota Bene: Is Lorighitta - pasta tipica preparata a mano attorcigliando tra le dita un doppio filo di pasta fino a creare una treccina chiusa a formare un anello (loriga, in sardo), tipica del comune di Morgongiori



 Tutti i Forum
 Limba Sarda
 Contos e paristorias
 Pregadorias antigas
I seguenti utenti stanno leggendo questo Forum Qui c'è:


    Bookmark this Topic  
| Altri..
Pagina Precedente | Pagina Successiva
Autore Discussione
Pagina: di 7

UtBlocc

Utente Bloccato



Inserito il - 04/04/2008 : 17:25:06  Link diretto a questa risposta  Rispondi Quotando
Asinè ite bellas custas pregadorias!





  Firma di UtBlocc 
6169

 Regione Liguria  ~ Prov.: Genova  ~ Città: genova  ~  Messaggi: -1  ~  Membro dal: 08/06/2007  ~  Ultima visita: 07/05/2009 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 15/04/2008 : 22:13:30  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
Sa gruxi de su paracleu

Sa gruxi de su paràcleu
fud'andau cuddu giudeu,
cuddu giudeu galiottu
a innantis de tottus fudi andau.
Gesù Cristu ingenugau
fadendu orazioi,
orazioi fadiada.
Santu Pedru prangiada.
Pedru, no fatzasta arroris,
ca gei seu tentu
de funis e de cadenas
de forza e de agonia.
Sciadada mamma mia;
abettai, abettai
fias a c'appa pigai
motti e passioi.
Motti e passioi pigheis
e u angiulu abasceis
u angiulu de axìu,
compostu è fillu miu
compostu e preveniu
a innoi mi dd'eis bittiu
tottu mudau de gloria,
sa prama e sa vittoria
santu miu angiulu,
sant'Arcangelu,
sant'Uanni Battista.

( mamma )







 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

Andros
Salottino
Utente Attivo



Inserito il - 10/05/2008 : 09:51:20  Link diretto a questa risposta  Mostra Profilo  Visita l'Homepage di Andros Invia a Andros un Messaggio Privato  Rispondi Quotando
Ascurtai

Prima ki tradu si fatzada
ca sa dì passa currendu
ascurtai kristionendu
su soli e is cosas ki abratzada.

Megad de si tzerriai
cun boxi crara e superba
in donnia sida di erba
s'Onnipotenti ascurtai.

Si praxidi?
Andria







  Firma di Andros 
Andrea L.

 Regione Sardegna  ~ Prov.: Cagliari  ~ Città: Quarto Josso  ~  Messaggi: 645  ~  Membro dal: 26/03/2008  ~  Ultima visita: 15/01/2017 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 10/05/2008 : 14:11:04  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
Andros ha scritto:

Ascurtai

Prima ki tradu si fatzada
ca sa dì passa currendu
ascurtai kristionendu
su soli e is cosas ki abratzada.

Megad de si tzerriai
cun boxi crara e superba
in donnia sida di erba
s'Onnipotenti ascurtai.

Si praxidi?
Andria



Bella meda Andros.
Si narada ca sa preghiera esti sorri de sa poesia. Custas funti genellas.
T'arringraziu







 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

Andros
Salottino
Utente Attivo



Inserito il - 10/05/2008 : 14:39:41  Link diretto a questa risposta  Mostra Profilo  Visita l'Homepage di Andros Invia a Andros un Messaggio Privato  Rispondi Quotando
Ringraziu deu a tui Albertina...scetti immoi appu biu custu "logu" po podi ponni is pregadorias... "Ascurtai" non è sa mia ... si cumprendidi, esti de unu zieddu, maistu de musica, trexentesu. Frantziscu Congia, casi centenariu. Esti stettia armonizza po 4 boxis de un amigu miu e non ti nau cantu esti bella...prenidi su coru diaderusu!
Prus attrigadiu, chi olisi, ndi pozzu scriri un'attra.
Grazia meda po s'attenzioni chi m'asi onau!
A si biri cun saludi...Albertina







  Firma di Andros 
Andrea L.

 Regione Sardegna  ~ Prov.: Cagliari  ~ Città: Quarto Josso  ~  Messaggi: 645  ~  Membro dal: 26/03/2008  ~  Ultima visita: 15/01/2017 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 10/05/2008 : 16:15:54  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
Andros ha scritto:

Ringraziu deu a tui Albertina...scetti immoi appu biu custu "logu" po podi ponni is pregadorias... "Ascurtai" non è sa mia ... si cumprendidi, esti de unu zieddu, maistu de musica, trexentesu. Frantziscu Congia, casi centenariu. Esti stettia armonizza po 4 boxis de un amigu miu e non ti nau cantu esti bella...prenidi su coru diaderusu!
Prus attrigadiu, chi olisi, ndi pozzu scriri un'attra.
Grazia meda po s'attenzioni chi m'asi onau!
A si biri cun saludi...Albertina



Fai is complimentus a tziu Frantziscu Congia. In custus tempus chi nixunu prus cumpoidi in lingua, bisongiada allogai custus tesorus chi onoranta sa vida e sa fidi de su cristiau. Ddu creu bei ca preninti su coru!!!
A s'intendi cun saludi, Andros! E a nd' intendi attras composizionis de tziu Franciscu!







Modificato da - Albertina in data 10/05/2008 16:25:44

 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

Andros
Salottino
Utente Attivo



Inserito il - 10/05/2008 : 19:15:14  Link diretto a questa risposta  Mostra Profilo  Visita l'Homepage di Andros Invia a Andros un Messaggio Privato  Rispondi Quotando
A Deus

Onnipotenti Babbu eternu
Deus de s'universu
artissimu Sinnyori. Pedrona.

Cun is ogus ki portaus non ti bieus in donnya cosa prenu de splendori.
Feti candu seus tristus si sapeus ki senz'e Tui no fiaus e nudda seus.

Custa puru esti de F. Congia

Unu grandu saludu a tui e a tuttusu is chi si ligginti.
Andria







  Firma di Andros 
Andrea L.

 Regione Sardegna  ~ Prov.: Cagliari  ~ Città: Quarto Josso  ~  Messaggi: 645  ~  Membro dal: 26/03/2008  ~  Ultima visita: 15/01/2017 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 14/05/2008 : 22:42:14  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando



S'Ispiridu Santu
Sa Virgine Maria
totu siant in cumpagnia mia.
Anghelu de Deu
custodio meu
custa notte illuminami
guarda e difende a mie
ca eo m'incumando a tie.

Dormi e riposa

Su lettu meu es de battor cantones
et battor anghelos si bi ponen
duos in pes e duos in cabitta.
Nostra Segnora a costazu m'istat
e a mie narat:« dormi e reposa,
no hapas paura de mala cosa,
no hapas paura de malu fine».


Custas duas pregadorias funti pigadas de sa rivista "Il Pastore" - Mensile delle pie unioni pastori. Anno I - N. 1 - 20 Ottobre 1949 - chi costada insaras 15 francus.







 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

Ela

Moderatore




Inserito il - 14/05/2008 : 23:22:08  Link diretto a questa risposta  Mostra Profilo  Visita l'Homepage di Ela Invia a Ela un Messaggio Privato  Rispondi Quotando
Giaculatoria sarda

Alabau sempiri siada,
Su nomini de Gesusu e de Maria.
Alabeus prusu e prusu,
Su nomini de Maria e de Gesusu.


Lodato sempre sia,
il nome di Gesù e di Maria.
Lodiamo sempre più,
il nome di Maria e di Gesù.







  Firma di Ela 

Lago Flumendosa

Nurri (Ca)

..un'altro meraviglioso angolo di Sardegna

 Regione Marche  ~ Prov.: Cagliari  ~  Messaggi: 6435  ~  Membro dal: 11/04/2006  ~  Ultima visita: 19/02/2013 Torna all'inizio della Pagina

pintadera

Utente Normale


Inserito il - 19/05/2008 : 10:14:45  Link diretto a questa risposta  Mostra Profilo  Visita l'Homepage di pintadera Invia a pintadera un Messaggio Privato  Rispondi Quotando
De bonu mattinu mi seu pesada
e Nostra Siniora m'esti attopiada
e m'ha fattu sa gruxi in fronti
Deus si campiri de mala morti
e de morti subitana e di acqua
de funtana e di acqua de arriu
Babbu Nosteddu pittiu pittiu.

( E' stetia mamma mia a mi da imparai , oi issa tenidi 88 annus , e narada ca fiada una pregadorias chi is mammas fianti po arrecumandai is pippieddus a Babbu Noteddu pittiu pittiu, ovvero Gesu' Bambino)

CIAO !






Modificato da - pintadera in data 19/05/2008 10:24:11

 Regione Sardegna  ~  Messaggi: 53  ~  Membro dal: 09/05/2008  ~  Ultima visita: 06/05/2011 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 08/07/2008 : 17:56:50  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
Su sobi prenidi su mundu de luxi,
pesendusì dognù pighi sa gruxi.
Nostra Signora accumpangidi is passus
chi pottanta a connosci paxi e amori
e guida si siada puru su Signori
e s'accumpangidi su Spiritu santu
Babbu, fillu e Spiritu Santu.







 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 01/08/2008 : 22:37:49  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
Mattia de parabulas bonas

Chi ses Mattia de parabola bonas mi nd’ha a nai una:

Unu esti su sobi
chi luxidi prus de sa lua.
De candu Gesù Cristu
andada in terra a pei,
in s’ottu de Gerusalemme
Deus, Babbu, Fillu e Spiritu Santu.

Chi ses Mattia de parabola bonas mi nd’ha a nai duas:

Duas funti is tabas de Mosé
unu esti su sobi
chi luxidi prus de sa lua.
De candu Gesù Cristu
andada in terra a pei,
in s’ottu de Gerusalemme
Deus, Babbu, Fillu e Spiritu Santu.


Chi ses Mattia de parabola bonas mi nd’ha a nai tres:
Tres funti is tres Marias

Duas funti is tabas de Mosé
unu esti su sobi
chi luxidi prus de sa lua.
De candu Gesù Cristu
andada in terra a pei,
in s’ottu de Gerusalemme
Deus, Babbu, Fillu e Spiritu

Chi ses Mattia de parabola bonas mi nd’ha a nai quattru:

Quattru funti is quattru evangelistas
Tres funti is tre Marias
Duas funti is tabas de Mosé
Unu esti su sobi
Chi luxidi prus de sa lua.
De candu Gesù Cristu
Andada in terra a pei,
in s’ottu de Gerusalemme
Deus, Babbu, Fillu e Spiritu

Chi ses Mattia de parabola bonas mi nd’ha a nai cincu:

Cincu funti is cincu liagas
Tres funti is tre Marias
Duas funti is tabas de Mosé
Unu esti su sobi
Chi luxidi prus de sa lua.
De candu Gesù Cristu
Andada in terra a pei,
in s’ottu de Gerusalemme
Deus, Babbu, Fillu e Spiritu.

Chi ses Mattia de parabola bonas mi nd’ha a nai
Sesi.

Sesi funti is ses cereus
Cincu funti is cincu liagas
Tres funti is tre Marias
Duas funti is tabas de Mosé
Unu esti su sobi
Chi luxidi prus de sa lua.
De candu Gesù Cristu
Andada in terra a pei,
in s’ottu de Gerusalemme
Deus, Babbu, Fillu e Spiritu.

Chi ses Mattia de parabola bonas mi nd’ha a nai
Setti.

Setti funti is setti donus
Sesi funti is ses cereus
Cincu funti is cincu liagas
Tres funti is tre Marias
Duas funti is tabas de Mosé
Unu esti su sobi
Chi luxidi prus de sa lua.
De candu Gesù Cristu
Andada in terra a pei,
in s’ottu de Gerusalemme
Deus, Babbu, Fillu e Spiritu.


Chi ses Mattia de parabola bonas mi nd’ha a nai
Ottu.

Ottu funti is corus de is angiulus
Setti funti is setti donus
Sesi funti is ses cereus
Cincu funti is cincu liagas
Tres funti is tre Marias
Duas funti is tabas de Mosé
Unu esti su sobi
Chi luxidi prus de sa lua.
De candu Gesù Cristu
Andada in terra a pei,
in s’ottu de Gerusalemme
Deus, Babbu, Fillu e Spiritu.


Chi ses Mattia de parabola bonas mi nd’ha a nai
Noi.

Noi funti i noi paramentus
Ottu funti is corus de is angiulus
Setti funti is setti donus
Sesi funti is ses cereus
Cincu funti is cincu liagas
Tres funti is tre Marias
Duas funti is tabas de Mosé
Unu esti su sobi
Chi luxidi prus de sa lua.
De candu Gesù Cristu
Andada in terra a pei,
in s’ottu de Gerusalemme
Deus, Babbu, Fillu e Spiritu.


Chi ses Mattia de parabola bonas mi nd’ha a nai
dexi.
Dexi funti is cumandamentus
Noi funti i noi paramentus
Ottu funti is corus de is angiulus
Setti funti is setti donus
Sesi funti is ses cereus
Cincu funti is cincu liagas
Tres funti is tre Marias
Duas funti is tabas de Mosé
Unu esti su sobi
Chi luxidi prus de sa lua.
De candu Gesù Cristu
Andada in terra a pei,
in s’ottu de Gerusalemme
Deus, Babbu, Fillu e Spiritu.

Chi ses Mattia de parabola bonas mi nd’ha a nai
Undici.

Undici funti is undiximila virginis
Dexi funti is cumandamentus
Noi funti i noi paramentus
Ottu funti is corus de is angiulus
Setti funti is setti donus
Sesi funti is ses cereus
Cincu funti is cincu liagas
Tres funti is tre Marias
Duas funti is tabas de Mosé
Unu esti su sobi
Chi luxidi prus de sa lua.
De candu Gesù Cristu
Andada in terra a pei,
in s’ottu de Gerusalemme
Deus, Babbu, Fillu e Spiritu.

Chi ses Mattia de parabola bonas mi nd’ha a nai
Doxi

Doxi funti i doxi apostulus
Undici funti is undiximila virginis
Dexi funti is cumandamentus
Noi funti i noi paramentus
Ottu funti is corus de is angiulus
Setti funti is setti donus
Sesi funti is ses cereus
Cincu funti is cincu liagas
Tres funti is tre Marias
Duas funti is tabas de Mosé
Unu esti su sobi
Chi luxidi prus de sa lua.
De candu Gesù Cristu
Andada in terra a pei,
in s’ottu de Gerusalemme
Deus, Babbu, Fillu e Spiritu.

( Preghiera tramandata da Albina Carracoi )













 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

Ela

Moderatore




Inserito il - 09/09/2008 : 17:52:41  Link diretto a questa risposta  Mostra Profilo  Visita l'Homepage di Ela Invia a Ela un Messaggio Privato  Rispondi Quotando
Nepodeddu miu, chi di praxinti meda is pregadoriasa in sardu, madi donau custa....s'incuminzu esti ogualli a un'atra giai posta....ma esti unu pagheddu diversa...

Deu mi croccu po mi dromiri
e is angiulus a biri,
e is angiulus a cantai
Gesù cristu a predicai
cun sa luna e cun su celu
beatu santu Sarbadori
beatu santu Sisinniu,
sa manu posta a mimmi
sa manu posta esti
cun mei siasi nottesta
nottesta e donnia notti,
campaiminci de mala morti,
mala morti subitanea,
acqua de arriu e de funtana
e dognia pregiudiziu
Sia lodau Gesu Cristu






  Firma di Ela 

Lago Flumendosa

Nurri (Ca)

..un'altro meraviglioso angolo di Sardegna

 Regione Marche  ~ Prov.: Cagliari  ~  Messaggi: 6435  ~  Membro dal: 11/04/2006  ~  Ultima visita: 19/02/2013 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 25/10/2008 : 14:56:30  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
Preghiera po ci bogai is dimonius

Campaneddas chi trenianta
tres bandanta e tres benianta.
Candu a Cristu battianta
tres benianta e tres andanta.
Candu battianta a Cristu
postu in peis in su Paradisu
postu in peis in dduna corona
biu m'eis una sennora
chi è nascia in su sattu
chi è nascia in Bellei
bessa s'aremigu foras de mei.

Tres Pater Ave Gloria







 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 25/12/2008 : 15:23:39  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
Rit. Celesti tesoru d'eterna allegria
dormi vida e coru, riposa a ninnia.

Reposa Segnore, dormi fillu amadu
a terra mandau po su peccadori,
dormi cun amori ti canta Maria.

Cun sensu giucundu avverau s'esti
s'annunziu celesti de paxi a su mundu;
t'amo in su profundu de s'anima mia.

Tui ses chi dilettas montagnas e selvas
is ferocis belvas rendi mansuetas
se de is profetas illustri decoru.

Virtudi divina Deus umanau
de s'omine amau speranza continua,
rosa pellegrina bellu prus de s'oru.

Umilis pastoris chi vigilandu seis
benei ca bides celesti splendidori;
grazias e favoris dona su Messia.

Dormidi Bambinu, dormi caru fillu,
dormi caru fillu, dormi Gesuinu,
dormi in custu sinu de mamma Maria.

Tottus ti ammiranta, tottus ti adoranta,
tottus s'innamoranta, tottus ti suspiranta;
is raius ispiranta paxi e allegria.

In su chelu intonanta innus de allegria
de Rei e Messia titulus ti donanta
is santusu coronanta su Deus insoru.

Soli risplendenti de raius doraus
tottus ti amminaus Reu onnipotenti,
su prius eccellenti de sa gerarchia.

In tui esti amori, in tui esti scienzia,
tui ses Redentori, tui ses sapienzia
summa onnipotenzia t'ammiru e t'adoru.

Paxi o Redentori, paxi domandaus,
paxi t'imploraus, paxi o Redentori,
paxi cun amori ti domanda Maria.

Dormi cun riposu suavi e continu,
Deus unu e trinu de coru piedosu
in chelu ses gosu in terra allegria.

Si mamma ti caldada, su mundu ti onorada,
su chelu ti adorada, s'inferru s'ispantada,
sa grazia t'amantada, cun s'anima mia.







 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina
Pagina: di 7 Discussione  
Pagina Precedente | Pagina Successiva
    Bookmark this Topic  
| Altri..
 
Vai a:
Herniasurgery.it | Snitz.it | Crediti Snitz Forums 2000