Forum Sardegna - Pregadorias antigas
    Forum Sardegna

Forum Sardegna
Nome Utente:

Password:
 


Registrati
Salva Password
Password Dimenticata?

 

    


Nota Bene: Capoterra Durante il periodo dell’Impero Romano, il territorio di Capoterra, vive momenti di grande splendore e di importanza strategico- militare e commerciale. Lo dimostrano tracce di antiche ville romane, di fabbriche di vetro e terra cotta, che sicuramente primi sfruttamenti delle miniere sulle montagne. Dopo la caduta dell’Impero Romano e le prime invasioni barbariche, soprattutto ad opera dei Vandali la zona di Capoterra, come tutta la costa sarda, si spopola e il territorio di Capoterra perde l’antica importanza.



 Tutti i Forum
 Limba Sarda
 Contos e paristorias
 Pregadorias antigas
I seguenti utenti stanno leggendo questo Forum Qui c'è:


    Bookmark this Topic  
| Altri..
Pagina Precedente | Pagina Successiva
Autore Discussione
Pagina: di 7

Ela

Moderatore




Inserito il - 03/10/2007 : 10:45:22  Link diretto a questa risposta  Mostra Profilo  Visita l'Homepage di Ela Invia a Ela un Messaggio Privato  Rispondi Quotando
una preghiera po chini non arrennescidi a dromiri (insonnia)

Santu Lorenzu bonu
si donit bonu sonnu,
sonnu bonu po dromì
un angiullu po s'assistì
s'angiullu maggiori
chi ha srebiu
sa Mamma de su Srabadori
sa Mamma de Gesù Cristu
in capizzal'e lettu
sa notti de nottesta
pongu sa mau destra
po sempri siad'alabau
Gesusu Sacramentau...




Mezus terra senza pane, que terra senza justitia






 Regione Marche  ~ Prov.: Cagliari  ~  Messaggi: 6439  ~  Membro dal: 11/04/2006  ~  Ultima visita: 03/07/2020 Torna all'inizio della Pagina

Nuragica

Moderatore




Inserito il - 03/10/2007 : 11:05:52  Link diretto a questa risposta  Mostra Profilo  Visita l'Homepage di Nuragica Invia a Nuragica un Messaggio Privato  Rispondi Quotando
Bella custa pregadoria Ela..
innui das'agatasa?? custu puru esti modu de chistionai
tipicu trexentesu..
chissai chi no d'apid'iscrita cancun'antenau nostu

_________________________________________________
... vegno del loco ove tornar disio






 Regione Lombardia  ~ Città: trexentese inviata speciale nel nord Italia  ~  Messaggi: 15406  ~  Membro dal: 11/04/2006  ~  Ultima visita: 19/06/2020 Torna all'inizio della Pagina

Ela

Moderatore




Inserito il - 03/10/2007 : 11:27:13  Link diretto a questa risposta  Mostra Profilo  Visita l'Homepage di Ela Invia a Ela un Messaggio Privato  Rispondi Quotando
Da appu pigada de unu libru cun pregadoriasa e brebus pigadasa girendu de bidda in bidda po ascutai i becciusu e penzu chi fesinti , oltrasa che de s'iglesienti, de sa zona nosta puru!!!!!



Mezus terra senza pane, que terra senza justitia






 Regione Marche  ~ Prov.: Cagliari  ~  Messaggi: 6439  ~  Membro dal: 11/04/2006  ~  Ultima visita: 03/07/2020 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 11/10/2007 : 11:48:58  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
Santu Cristolu
in su campu solu
solu in su campu
salvate nos
de tonu e de lampu.







 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

Ela

Moderatore




Inserito il - 13/10/2007 : 02:20:36  Link diretto a questa risposta  Mostra Profilo  Visita l'Homepage di Ela Invia a Ela un Messaggio Privato  Rispondi Quotando
Una pregadoria, po fai passai su temporali

Candu tronada e lampada
de is fruttis de sa terra
su cristianu si campada,
in su xelu dui adi gherra
su cristianu campada
de is fruttus de sa terra.
Santa Barbara e santu Jacu
in nomini de su Babbu,
de su Fillu
e de su spiritu Santu
Aici siada!!!!




Mezus terra senza pane, que terra senza justitia






 Regione Marche  ~ Prov.: Cagliari  ~  Messaggi: 6439  ~  Membro dal: 11/04/2006  ~  Ultima visita: 03/07/2020 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 15/10/2007 : 21:18:52  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
Ave Maria Serena
chi ses de grazias ricca
de grazias infinita
de sa corti soberana;
Maria chi a tottus dades
grazias e bonus favores
me is gioias e me is dolores
sempri cun nosu siasta.







 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

maragda

Utente Master



Inserito il - 15/10/2007 : 21:23:58  Link diretto a questa risposta  Mostra Profilo  Visita l'Homepage di maragda Invia a maragda un Messaggio Privato  Rispondi Quotando
Albertina ha scritto:

Ave Maria Serena
chi ses de grazias ricca
de grazias infinita
de sa corti soberana;
Maria chi a tottus dades
grazias e bonus favores
me is gioias e me is dolores
sempri cun nosu siasta.


Che bella...






 Regione Sardegna  ~ Prov.: Cagliari  ~  Messaggi: 2134  ~  Membro dal: 12/02/2007  ~  Ultima visita: 18/10/2008 Torna all'inizio della Pagina

campidano
Salottino
Utente Master



Inserito il - 15/10/2007 : 21:29:20  Link diretto a questa risposta  Mostra Profilo  Visita l'Homepage di campidano Invia a campidano un Messaggio Privato  Rispondi Quotando
Esti longa.....longa...longa:

In nomin’e Deus, su Babbu e su Fillu,
Su Spiritu Santu, mi pongu a cantai.
A sa beridadi domandu contzillu,
A is leunedhas a m’acumpangiai.
Invitu a sonai totus is istrumentus
Po chi su chi cantu praxat a is pastoris,
No a is sinnioris, ca issus dispretzianta,


Su chi hap’ a nai no est cosa po totus
Ca funti argumentus de celu e de terra.
Deu bolu cantai su chi hapu connotu.
Mi pongu in sa pota abeta perra in perra
E fatzu guerra po sa beridadi.
Bolu libertadi e cicu giustitzia,
No sirbu a malitzia, dinai, ni lussu
E feti po cussu deu bolu cantai


Sa notti...
Su xielu..
sa luna is isteddusu..
Poi..
sa luxi-e-su soli..
is ogus tuos!








 Regione Sardegna  ~ Città: cagliari  ~  Messaggi: 2526  ~  Membro dal: 17/01/2007  ~  Ultima visita: 27/04/2020 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 15/10/2007 : 21:50:13  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
campidano ha scritto:

Esti longa.....longa...longa:

In nomin’e Deus, su Babbu e su Fillu,
Su Spiritu Santu, mi pongu a cantai.
A sa beridadi domandu contzillu,
A is leunedhas a m’acumpangiai.
Invitu a sonai totus is istrumentus
Po chi su chi cantu praxat a is pastoris,
No a is sinnioris, ca issus dispretzianta,


Su chi hap’ a nai no est cosa po totus
Ca funti argumentus de celu e de terra.
Deu bolu cantai su chi hapu connotu.
Mi pongu in sa pota abeta perra in perra
E fatzu guerra po sa beridadi.
Bolu libertadi e cicu giustitzia,
No sirbu a malitzia, dinai, ni lussu
E feti po cussu deu bolu cantai


Sa notti...
Su xielu..
sa luna is isteddusu..
Poi..
sa luxi-e-su soli..
is ogus tuos!




Bellissima. Finisce così?







 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

campidano
Salottino
Utente Master



Inserito il - 15/10/2007 : 21:54:27  Link diretto a questa risposta  Mostra Profilo  Visita l'Homepage di campidano Invia a campidano un Messaggio Privato  Rispondi Quotando
NOSSI signora Albertina!!

custa pregadoria e longa kummenti a s'annada maba ma assumancu e praxerosa.

Deu bolu cantai de cosas connotas
In tempus chi ancora beni arregodu.
Cantu a modu miu, cambiu medas botas,
Iscriu in poesia, in prosa e i ndi godu
Chi aturus potzant intendi de mei
Fuedhus e contus de paxi e contzolu
In ispagnolu, francesu, italianu
Ca seu isolanu e no tengu cunfinis.


No tengu cunfinis cun filu spinau
Liberu seu nasciu, liberu hap’ a morri.
No arretiru mai su chi hapu nau
Sa fidelidadi dha stimu che sorri.
Custu est s’ideali chi hap’ imprassau
Girendi su mundu, connoscendi genti
Bivu su presenti pentzendi a s’incrasi
E tengu sa basi beni sistemada.


Beni sistemada in granitu firmu
Sa vida dha tengu beni istudiada.
Bideas e genti, deu no ndi timu
No timu distantzia, no timu pigada
Mi praxit a curri, mi sciu firmai
Candu s’atziada est troppu impinada.
Mi setzu, mi pasiu e camminu ancora
E no biu s’ora de podi sighiri.


Sa notti...
Su xielu..
sa luna is isteddusu..
Poi..
sa luxi-e-su soli..
is ogus tuos!








 Regione Sardegna  ~ Città: cagliari  ~  Messaggi: 2526  ~  Membro dal: 17/01/2007  ~  Ultima visita: 27/04/2020 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 15/10/2007 : 22:07:35  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
campidano ha scritto:

NOSSI signora Albertina!!

custa pregadoria e longa kummenti a s'annada maba ma assumancu e praxerosa.

Deu bolu cantai de cosas connotas
In tempus chi ancora beni arregodu.
Cantu a modu miu, cambiu medas botas,
Iscriu in poesia, in prosa e i ndi godu
Chi aturus potzant intendi de mei
Fuedhus e contus de paxi e contzolu
In ispagnolu, francesu, italianu
Ca seu isolanu e no tengu cunfinis.


No tengu cunfinis cun filu spinau
Liberu seu nasciu, liberu hap’ a morri.
No arretiru mai su chi hapu nau
Sa fidelidadi dha stimu che sorri.
Custu est s’ideali chi hap’ imprassau
Girendi su mundu, connoscendi genti
Bivu su presenti pentzendi a s’incrasi
E tengu sa basi beni sistemada.


Beni sistemada in granitu firmu
Sa vida dha tengu beni istudiada.
Bideas e genti, deu no ndi timu
No timu distantzia, no timu pigada
Mi praxit a curri, mi sciu firmai
Candu s’atziada est troppu impinada.
Mi setzu, mi pasiu e camminu ancora
E no biu s’ora de podi sighiri.


Sa notti...
Su xielu..
sa luna is isteddusu..
Poi..
sa luxi-e-su soli..
is ogus tuos!




Ma guarda, io certe volte mi chiedo da dove le tiri fuori tutte queste cose. Sono stupende!







 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

campidano
Salottino
Utente Master



Inserito il - 15/10/2007 : 22:14:16  Link diretto a questa risposta  Mostra Profilo  Visita l'Homepage di campidano Invia a campidano un Messaggio Privato  Rispondi Quotando
Ora la posto tutta e ti terra' sveglia la notte intera.

In nomin’e Deus, su Babbu e su Fillu,
Su Spiritu Santu, mi pongu a cantai.
A sa beridadi domandu contzillu,
A is leunedhas a m’acumpangiai.
Invitu a sonai totus is istrumentus
Po chi su chi cantu praxat a is pastoris,
No a is sinnioris, ca issus dispretzianta,
Siguru no apretzianta su chi hap’ a nai!
2
Su chi hap’ a nai no est cosa po totus
Ca funti argumentus de celu e de terra.
Deu bolu cantai su chi hapu connotu.
Mi pongu in sa pota abeta perra in perra
E fatzu guerra po sa beridadi.
Bolu libertadi e cicu giustitzia,
No sirbu a malitzia, dinai, ni lussu
E feti po cussu deu bolu cantai
3
Deu bolu cantai de cosas connotas
In tempus chi ancora beni arregodu.
Cantu a modu miu, cambiu medas botas,
Iscriu in poesia, in prosa e i ndi godu
Chi aturus potzant intendi de mei
Fuedhus e contus de paxi e contzolu
In ispagnolu, francesu, italianu
Ca seu isolanu e no tengu cunfinis.
4
No tengu cunfinis cun filu spinau
Liberu seu nasciu, liberu hap’ a morri.
No arretiru mai su chi hapu nau
Sa fidelidadi dha stimu che sorri.
Custu est s’ideali chi hap’ imprassau
Girendi su mundu, connoscendi genti
Bivu su presenti pentzendi a s’incrasi
E tengu sa basi beni sistemada.
5
Beni sistemada in granitu firmu
Sa vida dha tengu beni istudiada.
Bideas e genti, deu no ndi timu
No timu distantzia, no timu pigada
Mi praxit a curri, mi sciu firmai
Candu s’atziada est troppu impinada.
Mi setzu, mi pasiu e camminu ancora
E no biu s’ora de podi sighiri.
6
De podi sighiri su chi seu fendi:
Ligiu e iscriu, fatzu passus mannus.
Osservu, ascutu, sigu batalendi
Mi cicu su pani, crapitas e pannus
Traballu e no bivu castiendi a…celu.
No domandu a Deus miraculus gratis.
Chi mi fatzat patis no dhu creu bellu,
Ca no est cussa s’atis chi hapu imparau.
7
Deu hapu imparau a bivi in su mundu
Imparendi s’ati e fendidha fruttai.
Su chi no hapu fattu est su bagamundu
Ca cussu no donat honestu papai.
Cinc’annus tenia e giai cumentzau
A curri in su satu sighendi su talu.
Sempri in logu malu tenestus medau
E deu disigiau sa calada a bidha.
8
Sa calada a bidha fut po is grandus festas.
Fut po m’ iscaresci de penas e frius,
De basca, de cotis, brebeis e pestas
Angionis de latti e i su ‘agadiu!
Murus de dolori, cotis de sperantza
Po s’ierru e s’istadi fuat s’aposentu
Postu facci’ a bentu, conc’ a tremuntana.
Cussa fut sa…tana! Ingunis bivia!
9
Ingunis bivia cun babbu e cun fradi.
In nottis, in disi, fridas o calentis
Passastus su tempus in onestidadi
Pascendi brebeis in terras allenas
Allenas e totu is brebeis fuanta!
De nosu tenestus solamenti is penas!
E sanguni in venas po podi campai
Sentz’e biri mai dinai po paga!
10
Dinai po paga chin’est chi ndi biada?
Cicastus sa cena a fuedhus ma…nnus
Ca sa vida nosta pariat fuliada!
Feti s’aspettastus crapitas e pannus…
Po podi papai calencunu druci:
Guefus, amarettus, pardulas, gatou
E calencun’ou, mamma trumentada.
Si dhus preparada in domu cun is sorris.
11
Cun is sorris, mamma, totu preparada
Is drucis, su pani, su prangiu e sa cena.
A is fillas s’ati a connosci imparada
Fianta su pani cantendi cun vena,
Cantzonis di amori, de guerra e de paxi
De coru imparanta totu a memoria
Cantanta sa storia de sa bidha nosta
Ca fut beni posta cun rima e sentidu.
12
Cun rima e sentidu sa vida passastus:
S’homini in su satu, sa femmina in bidha.
Totus, trabalendi, usantzas lassastus
Sentza de pentzai ca cambiendidhas
Fuat su destinu is cosas de sa vida!
Torru a i cudhus tempus, cicu e agatu
Aditziu s’arrastu de cosas passadas.
Totu po debadas parit ch’heus fattu!
13
Parit ch’heus fattu totu po su…celu
Barracas e domus, potas e potalis
A nosu pariat chi fessit su melus
Ca no dh’hestus fattu pentzendi a su mali,
O solu cun fini de podi arriccai.
Est prus evidenti che in tempus antigus
Hoi de fai is cosas po asurientzia
E cun prepotentzia totu a pinnigai!
14
Totu a pinnigai…dh’affirmu ca biu
Cosas chi no parinti mancu beridadi.
Castiu e no agatu un’homini…intriu
Sa vida si bivit sentz’e calidadi.
No agatu prus acua, ni mitza, ni arriu.
Su bentu, su fogu totu nd’hat pigau
Solu est abarrau su celu e su mari
Ma…furriaus de pari cussus puru funti!
16
Cussus puru funti totu cambiaus:
S’aren’ e “s’arrosu” cambiat grussesa
E is istedhus puru si funti cuaus
Po sa grandu luxi e po’…sa tontesa!
Su grandu scuriu no esistit prusu.
Sa notti in su potu e in sa Fotilesa,
In bidha, in is pratzas est crara e luxenti,
De punta Molentis, si bit Capu Boi!
17
Si bit Capu Boi cun totu sa gala.
Su grandu lugori sa notti dha fùrriada
In dì. M’arregodu is nottis, a lux’ bengala
Chi po bombardai su logu iscrariada.
Hoi sa natura mi parit ofendia
Posta a cul’ in foras che una…bagassa
Est cussa sa trassa de is miliardarius
Chi faint affarius e “progressu” in bidha
Su coru si sidhat de su disprexeri!
18
De su disprexeri po su grandu sprecu
In linna, dinai, nafta e benzina,
Alluinti farus asut’ e …sruecu!
Sa luxi a piscinas est una rovina!
Tra musica, boxis…lampus e isciorrocus
Isparus e tocus sentza de arrespettu
No nc’est prus derettu mancu de dromiri.
Hem’ a boli isciri s’acabu chi feus!
19
S’acabu chi feus sentz’ e tenni asseliu:
Is procus, su pisci, pudhas e cabonis,
Po dhus fai papai dhus tenint isvelius,
Si depint…unfrai po fai milionis.
Sa genti si chesciat, ma imparat is trassas
E su chi dispretziat, cicat de imitai.
Hiat a boli stai a su postu giustu
C’hat pigau gustu a sa vanagloria!
20
A sa vanagloria, cussr’ eba pudescia
Chi prenit is otus de totu su mundu
Sa genti dha prantat, dha tenit arrescia
Ananti de s’enna che su melus fundu!
Depit fai biri cantu balit hoi
Su modernu lussu, su tenni dinai,
Su podi abitai in atu e in basciu,
Su tenni, a…cadascius, prendas allogadas!
21
Allogat is prendas, tenit contu in banca,
Comporat e bendit po fai sienda,
Trasformat in “village” cungiaus e tankas
Apretat su poberu, dh’obrigat chi bendat.
Cun progettus mannus trasformat sa bidha,
Isciusciat serragus, arreprenit fossus,
Nd’iscidat is ossus de motus antigus
Che…tapp’ e ottigu podit gallegiai!
22
Podit gallegiai a bentu in favori
Poita ca s’arroda hoi girat aici.
Ma candu cumèntzanta penas e doloris
Nemancu in su sonnu ndi bolit arrici
S’arroda est girendi, e girat po totus
Che pali’ e molinu. Arribat sa moti,
Ch’est cussa sa soti, mancai no dha bolat
Dhi ‘enit amarola totu a lassai!
23
A lassai totu seus destinaus:
Benis e bagalius, dinai e gloria,
Amigus, familia, terras e…abogaus,
S’unica est sa moti chi cantat vittoria!
Nemus bolit crei chi propiu po “issu”
Arribit cuddh’ora de lassai sa terra
Progettus, guerras, ingannus e furas,
Frius e calentura, disvelus e penas!

24
Disvelus e penas, gei bis po ita!
Imoi chi a sa fini ti bis arribau
T’agatas in manus sa vida…iscoita!
Est s’imprùsu po nudha chi hasi trumentau.
No has rispettau bellesas e genti
Ca totu in dinai depiat torrai.
Depiast imperai sentz’ e ndi gosai
Po ndi depi andai cun pena e tristura!
25
De pena e tristura has prenu su coru
Cantu ti dh’hat prenu sa brama de tenni
Dinai e prata, cannacas de oru
Sentza de pentzai ca depiat benni
Sa dì chi po tui sa fini arribada.
Che lepiri…tontu, cutu de is canis,
Totu a perr’ e costa hasi camminau.
Su latzu hat cassau, abistu mrexani!
26

Abistu mrexani tui ti creiasta
E i ti pentzasta ca po essi arricu,
Totu in manus tuas su mundu teniasta,
Ti ndi ses arrisiu che unu burricu.
Po totus is tontesas chi has cumbinau.
Imoi ti minescit solu a ti nai
“Mischinu, iscedau, s’est isbagliau!
bolit perdonau ca no hat cumprendiu!”
27
Ca no hat cumprendiu, est sa beridadi,
S’homini chi hat postu totu is energias
In cosas inutilis, in banalidadis,
In cosas cadhotzas e…isbregungias!
Giai chi teniat tanti intelligentzia
Podiat cumprendi ca chi si distrugit
Su mari, sa paxi, campus e padenti
Distrugit sa genti, nd’ispedrit sa vida!
28
Nd’ispedrit sa vida de hoi e de crasi
E seus biendidhu in donnia logu.
Deu bolu crei chi imoi si pasit
S’omini e cumprendat ca no est unu giogu
Rispettit su logu, rispettit sa vida.
Si prus de una cida tui bolis campai
Ndi podis gosai sentz’ e fai dannus
De tui prus mannus, ca nocint a totus!
29
Ca nocint a totus, pentza, Crabonaxa!
Nocit a bixinus, fillus e fillastus
Abarrat sa terra cun cinixu e braxa
No crescit prus sr’eba, ilixi o pirastu.
Est unu disastru de no depi fai
Ca is consecuentzias funti disastrosas.
Po guadangiai dus sodhus in prusu
Totu fund’ a susu no lessis ghettai!
30
No lessis ghettai totu a su spedritziu
De genti chi hoi benit po arregoli
E i ti lassat s’ aliga, ti lassat su vitziu
Cosas chi nisciunus in domu hat a boli.
De coru disugiu chi sa bidha mia
No torrit a is tempus de is…cundennaus,
Bidh’ ‘e…marragaus e de…pistilonis,
Po mill’arrexonis itzerriu preghendi.
31
Itzerriu preghendi: “Pesa ti ndi bentu,
Sullevandi is undas, poni mari malu
Chi sirbat a totus de grandu iscramentu
A i cussus chi benint totus a unu talu
Cun intentzioni de pagu rispettu.
In Canili ‘Omus ndi calint is costas
E serrit is postas de donnia passaggiu
E i su paisagiu si furrit in…fogu.
32
Si furrit in fogu, ma siat unu bisu
Chi fatzat a timi, e geli su sanguni,
E fatzat s’acabu chi fait su grisu,
Che sriboni in ludu e poi dhu…samunit
Su prumu isparau a corpu siguru!
Giai chi po mali benis, mali arrici
Prima chi parici dannu potzas fai
Torra ti nd’andai, istrangiu, a sa furca!
33
Istrangiu ‘e sa furca, bai a bidha tua
A fai dinai distruggendi totu.
Po sidi ti bufis su latt’ e sa lua
Sa peddi ti torrit che cavuru cottu!
M’agiudit su mari in custa guerra
M’agiudint is acuas e is uraganus
Si pesit s’arrabiu de landiri e bentus
Totus is aposentus po ndi sciorrocai!
34
Po ndi sciorrocai is domus chi sfregianta
Arrocas, serragus, matas millenarias,
Cambianta su logu e totu dhu strupianta
Fendi de sa bidha una “passionaria”!
Privada de is benis chi eternus creestus
Ca fuanta fattus cun ati perfetta
Sa bidha deretta lassaidha cresci
Ca no dhi minescit a dha strupiai!
35
Po dha strupiai, is agudientis,
Ndi funti benius cun filu spinau!
Po si fai biri meda prus potentis
Siat terras che maris hanti pinnigau.
Sa storia cumentzat cun is chiudendas
Boghendi nci a foras sa pobera genti.
Mancu su molenti prus podiat brintai
Po pasci o bufai cumenti fut prima!
36
Cumenti fut prima prus no podit essi
Ch’est totu privau, est totu serrau.
Su chi fut derettu hoi est a su ‘mbressi!
Arrius e moris hanti sdeviau.
Est unu dolori chi mi ferit troppu
Su biri sa genti chi sciat bivi in paxi
Fendi si sa furca po guadangiai!
Torra ti nd’andai, istrangiu asuriu!
37
Istrangiu asuriu, po ita ses benniu
Si tui no cantas is cantzonis nostas
De is bellesas veras no mi paris dinniu
Ca mancu unu pagu de amori amostas?
A tui is segretus de sa vida sarda
No ti nanta nudha ca no dhus connoscis.
Prima chi m’infraschi sa spulia pinniga.
Seus una pariga po ti fai guerra!
38
Po ti fai guerra sentza de armamentu
Invitu sa bidha a s’atrincerai
Po si liberai de custu trumentu
Chi sa genti sana no lassat gosai.
Atziu bandiera, ma no po m’arrendi,
Est po dha difendi cun anima e coru
De is…modernus morus cun sa cragarista
E funti “nordistas” de atra bandiera!
39
De atra bandiera e…movius a didu
Che su furriotu chi girat a trettus
Segundu su bentu, sa moda, is partidus
Chi dhus hanti ispintus po benni derettus.
Deu po bandiera no teng’ unu tzàpulu!
Issa rapprensentat sa genti e sa terra,
Po dha podi tenni heus tentu…abritiu
Heus iscumitiu po hoi e po crasi
40
Po hoi e po crasi, Crabonaxa, pentza
Difendi ti is benis chi has agatau.
Difendi e custodia che i su bin’ e prentza
Custu mari bellu chi parit pintau.
Mi pigat su feli candu biu bendiu
Su chi fut de totus, e i ndi gosastus.
Cun nemus cetastus po calai a mari
E totus impari podestus nadai.
41
Podestus nadai, giogai e curri
De s’Arrocca Manna fintz’ a Potu Giuncu
Nisciunus, a fortza, si fiat suncurri
Castiendisi mali, frunzendi su bruncu.
No fut mesurau, no fut proibiu.
Nemus s’atriviat e nemus narada:
“Bessinci de ‘ngunis ca cussu est su miu,
no siasta atriviu, dh’hapu comporau!”
42
“Dh’hapu comporau”, dhu nàranta craru
trèminis, sinnalis, cadenas e canis!
Candu torru a bidha totu custu imparu
Si no bolu fai s’acab’e mrexani
Cand’intrat a coti po pudha o angioni.
“Nisciuna arrexoni tenis po passai!
Torra a furriai. Fai su giru longu.
Bai a…Campu Longu po ti sciacuai”.
43
Po ti sciacuai, cammina e no pistis
Sa genti. No castis, ca no est bistia!
Dona attentzioni, sinuncas imbistis
Genti amuntonada. Ohiamomia…
Po cantu andat ogu, in donnia spuntoni,
Sa genti est isterria gioghendi o nadendi.
Dha bis navighendi ch’est una bellesa.
Imoi, ch’est avesa, dhu fait cun prexeri.
44
Dhu fait cun prexeri, si godit s’istadi,
Si godit su mari, sa paxi, su friscu.
Su chi hat disigiau, alcantzau dh’hadi
Dhui podit papai petz’e caboniscu,
Casu bonu, binu, e pisci arrostiu
Po prandi e po cena. Totu est siguru
Genuinu e puru, nci podis contai,
Dhu depeus fai po onori e vantu.
45
Onori e vantu, bidha, podis tenni,
Po arriciri genti chi benit e cicat
E patit prexada, poi torrat a benni
Apretziat totu, sincera criticat
Po podi curregi cosas chi no dexinti
A s’onestu bivi, a s’ospitalidadi
Si est sa beridadi, teni ti dhu a contu
Ca no est unu tontu su chi ti dh’hat nau!
46
Su chi ti dh’hat nau est unu “clienti”
In prus est amigu sinceru e fideli
Tenidhi arrespettu ch’est de brava genti
Benit de attesu, est de Continenti.
Fortzis hat cumprendiu ca su chi pentzàda
Dh’hiat feti intendiu de genti chi narat
Cosas sentz’ e sciri su chi est narendi
Ch’est chistionendi de tempus passaus
Hoi si castiaus e i si connosceus.
47
Si seus connotus…”Torra candu bolis
Ch’has arrespettau su logu e sa genti.
Amigus connotus, si bolis, ingoli
Ca su mari nostu est “accoglienti”.
T’avetu, no potist…arroba guasta
Genti prepotenti, drogada, furunca
Si podis, abrunca cuss’arratza mala
Chi no est cos’e gala po Villasimius!
48
Po Villasimius heus “iscioberau”
Mancai perdaus calencunu…pegus
Nudha si nd’impotat chi si nd’est bandau
Melus castiau a pati de…asegus.
De dhu tenni in bidha fendi machioris
Est melus chi cichit atera spiaggia.
Chi no est genti saggia, melus a dha pedri
Melus a…dhu spedri, melus chi no torrit!
49
Melus chi no torrit ca si fait dannu
Mancai si lessit calencunu sodhu.
Su guadangiu malu est sempiri ingannu
“Deu tengu a contu su chi potu a codhu”
Narànta is antigus. “No cichisti in prusu
De su tanti giustu. Piga su siguru.
E teni ti incuru de su chi connoscis
No depis arrosci su chi tenis hoi”.
50
Su chi tenis hoi nàranta ch’est melus
De su chi ancora depit arribai.
A chini connoscis, dona su gravelu,
Si no benit solu, bai a dhu cicai!
Crabonaxa bella, poni ti a setiu.
Rispetta sa genti e fai rispettai
Cun modernas leis sempiri in vigori
Ca sentz’e rigori no podis cumpeti!
51
No podis cumpeti, e mai rinuntzisti
A su chi est giustu po su ben’ e totus!
Ca chi fais cussu, pentza chi acutzisti
S’arma po bociri pillonis giai…cotus!
No lessisti fai, no lessisti curri
Ca chi donas pagu ndi olint ancora
Sa bidha in malora no podit andai
Po acuntentai a su chi…murrungiat.
52
A su chi murrungiat sentza de arrexoni
Naradhi chi bandit a unu corr’e mari
O cichit attesu un atru spuntoni.
I…”a ncu mai in sa vida si biaus a pari!”
Faidhu. No timasta po pedri su nòmini
Solu fendi aici, tui nci guadangias
Ca su logu arrangias lassendidhu limpiu
Hiat a essi impiu su lassai fai.
53
No lessis a fai sa genti chi arricis,
Melus a mantenni su logu tranquillu.
De is cosas tuas melus chi t’impiccis
Ca donnia chicchiu hoi est unu…lillu!
Sa genti chi benit bolit bivi in paxi,
Sigura e distendia sentz’ e pentzamentu
Giai chi su trumentu dhu potat a codhu
Coment’ e un’ improdhu beni appiccigau.
54
Beni appiccigau : che una sangunera
Ndi suspit sa vida de su cristianu.
Traballu e domu, tristus che galera.
Tristus che i sa notti de bonu mengianu!
Mancat s’alientu, allupat su coru
Sa genti disigiat logus po iscaresci
E i dhi minescit su chi est cichendi
Ca su chi est fendi est troppu stressanti.
55
Ch’est troppu stressanti certamenti creu
Est troppu s’angustia po cosas…in prusu
Chi no cambiaus, cunvintu ndi seu,
Heus abarrai gadhias a susu
Che pisci aluau, né biu, né motu.
Che i su cucumeu podeus aturai
Fissu a castiai sentz’ e biri luxi
Ch’est custa sa gruxi de s’homini hoi!
56
S’homini de hoi tenit abisongiu
De logus tranquillus, de genti ospitali.
Issu si cuntentat de su pani spongiu
Dh’agatat sabori sentza de oguali
Candu est donau beni e de coru!
Ti bolu agiudai, amigu turista,
Cun sa cara trista, de tristura prenis.
Torreus a is benis de s’antighidadi!
57
De s’antighidadi, giai chi ses amigu,
E in prus disigiosu de sciri segretus
De sa bidha nosta, de is tempus antigus,
Candu no esistianta ancora…luchettus,
Beni ca ti contu, beni ca t’amostu
Is froris, is matas, cosas sentz’e gloria,
Chi fainti sa storia de Villasimius
Ch’in su de Simius hat biu sa luxi.
58
Hat biu sa luxi, est torrada a nasci
Apustis oscurus tempus de fuida.
Mancu is animalis podianta pasci
Poita ca is morus no lassanta in vida
Né su bestiamini, né a is cristianus.
De is costas sa genti si ndi fut andada
E de sa torrada mancu a nd’intendi.
Biviat disigendi sa terra lassada.
59
Sa terra lassada serbiat a is piratas
De posta po furas e po fai ischiavus.
Pinnigànta genti cumente…patatas
No dhui fut manera de podi essi salvus!
Sendi “enemigos” de donnia fidi
De donnia arratza atra de sa ‘ntzoru
Ndi ‘oganta su coru a su chi resistiat
A su chi s’opponiat a patiri bintu.
60
De patiri bintus de s’unu o de s’aturu
Chi beniat de mari progettendi istragu,
Fut sa soti trista chi s’hat fattu màturus,
Candu siguresa ndi tenestus pagu.
Cussus tempus funti sempri in sa memoria
Est un arregodu de no cancellai
Po cussu contai in bidha si depit
Po chi s’arrespettit su derettu a bivi.
61
Su derettu a bivi chi hat donau Deus
A donnia populu chi est in sa terra.
De sa schiavitudi no nc’est cosa peus
Po si ndi scabuli benit sa guerra.
“No passis in tanka moru stranieru”
de donnia turri su tzerriu curriat.
Sa genti beniat pronta po cumbatti
De donnia pati fuat a si difendi.
62
Depestus difendi sa fidi e sa vida
Sa terra, sa domu e donnia cosa.
E no fut un’ota, fut donnia cida.
No teniat asseliu, no teniat posa
Sa pobera genti de custa ciuexa.
Cumprendi, turista, giudica sa storia.
No alabis sa gloria de is bincidoris
Cumprendi is doloris de is bintus puru!
63
De is bintus sa storia deu t’hapu contau
Poita ca su poberu morit duas botas:
Si morit su nomini e su sangunau
candu s’iscarescint is cosas connotas.
Sa gloria ‘e Sardinnia est totu interrada
Siat asut’e terra che in su silentziu
Est cresciu s’assentziu asub’e cittadis
Cun abilidadi hoi dha scuberint.
64

Hoi dha scuberint po dhu fai sciri
Cichendi di essi giustus e sincerus
Is sadrus antigus no hanti fattu isciri
Is cosas intzoru a is furisterus.
A totus timianta po esperientzia
De totu una storia longa cantu mai.
Deu bolu acabai ca tui has cumprendiu:
No si seus bendius e no si bendeus!
65
No si seus bendius, melus isbandiu!
Liberu in is montis che pegus aresti
Fuendi giustitzia, sendi in logu miu,
Ti dh’hapu contau ca beridadi esti!
Su mari chi ammiras e i ti meravigliat
Est prenu de barcas, navis, bastimentus
Ascuta is lamentus de sa genti mota
Si podis annota, no ti ndi scaresciasta.
66
No ti ndi scaresciasta su chi t’hapu nau
In prusu ti contu ca su satu nostu,
De tempus antigus, fuat nemonau
Po cassa e po linna che i su melus postu.
Su pillon’e taccula, sa cassa, su pisci
Si dhu invidiada sa bidh’e Castedhu.
Pren’e minduledhu, codrolinu eru...
No parit prus berus chi fessit aici.
67
Chi fessit aici gei mi podis crei
Ca deu hapu acutu a connosci is boscus
Candu fintz’a monti andastus a pei
E in bidha no biasta negotzius, kioscus!
No nc’hiat giornalis po connosci nominis
De froris e matas, ebras e animalis,
Ma dhus connoscestus in beni e in mali
Nemus po…fogali si podiat morri.
68
Si podiat morri de atras maladias
Malaria, favismu, frius e calentura
Ca de destinu malu fustus in balia
A ebras e improdhus si festus sa cura.
Sa potecaria fut totu su satu.
Inguni agatastus mexinas siguras
Po sanai punturas, e de cosa fatta
Teniat sa mata donnia maladia.
69
Donnia maladia teniat sr’eba sua.
De folas si fiat sa mistura giusta
Totu si depiat fai cua-cua
Narendi is abrebus, ca s’ati fu custa!
Curanta is guronis e su mal’e is pedras
Sa ruda imperastus po stupai is origas
Moriga-moriga fianta sa mexina
Chi su dolor’ e schina ti fiat passai!
70
Ti fiat passai su dolori a is ossus
Budhendi sa canna o sa fol’e muta.
Ma chi ti fut bènniu attidhendi fossus
Depiasta ponni su decottu…asuta,
In modu chi s’alidu fessit atziau
De peis a conca po fai s’effettu.
Candu su defettu teniasta cuau
Fusti nemonau che “malu a curai!”
71
Malus a curai…is chi no creianta
In is bruscerias e in is amesturus.
De dolor’ e brenti is becius morianta
E i si morianta is “dottoris” puru!
Sa cunvintzioni cundiat su logu
E curriat paris cun sa maladia
Candu s’anemia, candu su scrafingiu
Pediant atrimingiu de bruscias e bruscius!
72
De bruscias e bruscius fut prenu su logu
Sa mexin’ e scudi bociat su bremi
Chi t’hiat ghetau sa musca a un ogu.
Castiendi beni, gei ti fiat tremi
Su biri e intendi, sentza de cumprendi,
Amesturus, gruxis, fuedhus e fragus
Istrintas de spagu, po torrai sanu.
De bonu mengianu fut “seduta istanti”.
73
Sa “seduta istanti” depiat curai
Doloris de brenti, de conca, de cu…cucuru
Guronis, pistadas, llagas e lidoris.
In cresia is candelas curanta su gutturu
Ca is santus curànta…prus de is abrebus
Antoni, Iacu, Brabara e Biagiu…
Su peus disagiu beniat de su fogu!
Cussu no fut giogu, fut de sant’Antoni.
74
Fut de Sant’Antoni sa peus maladia
Chi nisciuna mata, sola, dha sanada.
Unu fogadoni de canna scraria
Allutu in sa notti fria e gelada
Su trex’e gennaxu, festa de su santu
Podiat, cun s’alidu calenti, sanai!
Hoi si podit nai ca fuanta tontesas
De genti avesa a cicai de bivi.
75
Po cicai de bivi, sa statua romana
Sa genti pregada cun devotzioni,
Cun fidi, cun fortza e voluntadi umana.
Mancai praxat cosa foras de arrexoni
Sa fortza ‘e sa menti, sa disperatzioni
Acantzat “sa gratzia” chi dh’hiat pediu!
Cumenti, no isciu, ni mi dhu preguntis.
Isciu ca funti cosas chi sutzedinti.
76
Cosas chi suzedinti…creestus in santus
E dhus invocastus de coru e de menti.
Podit essi frutu de pregus e prantus
Chi premiat Deus indirettamenti.
Su chi podit meda est sempri su crei.
Est sa voluntadi de bivi e de binci.
Turista, creinci, ch’est sa beridadi,
Est sa voluntadi chi fait miraculus!
77

Su chi fait miraculus est s’homini puru
Candu su chi fait rispettat is leis
Chi hat postu Deus che puntu siguru,
Si a post’e sa conca no imperat is peis!
Candu s’arrexoni no est troppu sidhada,
Candu su modernu no est troppu barrosu
No est discuidosu de su chi no cumprendit
E mai si bendit a donnia…impostura!


Sa notti...
Su xielu..
sa luna is isteddusu..
Poi..
sa luxi-e-su soli..
is ogus tuos!








 Regione Sardegna  ~ Città: cagliari  ~  Messaggi: 2526  ~  Membro dal: 17/01/2007  ~  Ultima visita: 27/04/2020 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 15/10/2007 : 22:23:13  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
Il nome dell'autore?






 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina

Incantos
Salottino
Utente Virtuoso




Inserito il - 24/10/2007 : 19:23:27  Link diretto a questa risposta  Mostra Profilo  Visita l'Homepage di Incantos Invia a Incantos un Messaggio Privato  Rispondi Quotando
Preghiera per scongiurare il pericolo dei fulmini durante il temporale:

Sant'Anna e Santu Iaccu
bosu portais crais de cielu
bosu portais crais de lampus
non toccheis fillu allenu
nè in domu nè in su sartu







Modificato da - Incantos in data 24/10/2007 19:24:15

 Regione Liguria  ~  Messaggi: 4160  ~  Membro dal: 05/10/2007  ~  Ultima visita: 03/06/2020 Torna all'inizio della Pagina

Albertina
Salottino
Utente Mentor


Poetessa Paradisolana


Inserito il - 23/02/2008 : 21:06:14  Link diretto a questa risposta  Mostra Profilo  Visita l'Homepage di Albertina Invia a Albertina un Messaggio Privato  Rispondi Quotando
Sennoredda mia

A innui ses andendi Sennoredda mia,

deu seu andendi a cicai a fillu miu

ca mi dd’at tentu unu cani Giudeu,

e mi ddu portat de monti in monti,

sa gruxi de oru dda portat in fronti

sa gruxi de linna no dda podit tirai

sonai sonai is campanas de mari

e sonaiddas cun grandi dolori

Gesus ch’est mortu su Signori

Gesus ch’est mortu e interrau

litaredda m’at mandau

litaredda beni scrita

su sonu de sa trombita

su sonu de sa cadena

Maria dolu e pia,

Maria dolu e pena

su fillu chi teniat

tanti ‘onu e tanti amau

de Giudeu mali traTtau.








 Regione Sardegna  ~ Prov.: Cagliari  ~ Città: Villamar  ~  Messaggi: 3638  ~  Membro dal: 29/06/2006  ~  Ultima visita: 31/07/2012 Torna all'inizio della Pagina
Pagina: di 7 Discussione  
Pagina Precedente | Pagina Successiva
    Bookmark this Topic  
| Altri..
 
Vai a:
Herniasurgery.it | Snitz.it | Crediti Snitz Forums 2000