| Autore |
Discussione |
|
errante
Salottino
Utente Senior
 |
 Inserito il - 04/02/2010 : 06:20:50
|
Poesias in limba
1500 - 1900
Nicolò porcu-Deiana-jimadu Daga, naschidu a Nuoro
in su 1833 e a fattu su contadinu pro totta sa vida, senza mai frequentare sas iscolas.
Fidi amigu de duos importantes poetas Nuoreses,
Giuanne Antoni Murru e Sebastianu Satta;
cust’ultimu andaida frequente a lu chiscare,e fidi meda cuntentu de l’intennere questionare in Sardu.
Sas suas poesias denunziana cun tonos satiriccos sos costumes e sos cumportamentos morales des’sepoca
E in particolare de sas feminas.
Si che mortu in su 1898.
|
Modificato da - Barbaricina in Data 01/03/2010 17:20:53
|
|
|
I bastioni
Alghero (SS)
..un altro meraviglioso angolo di Sardegna |
|
Regione  Estero ~
Città: Thajngen ~
Messaggi: 1322 ~
Membro dal: 22/12/2008 ~
Ultima visita: 09/11/2011
|
|
|
|
|
Google Sardegna
Pubblicità
|
|
|
|
|
errante
Salottino
Utente Senior
|
Inserito il - 04/02/2010 : 06:30:18
|
AH! FEMINA ISFAZZADA
E AVVILIDA
Ha! Femina isfazzada e avvilida
Senza sentire bigonza né dannos;
Send’affittad’a unu tantos annos
A s’atteru su coro has’ intregadu.
E tue omine maccu has’acconcadu
A leare una femina’impedida.
Acconcada li has e mancu mutu
Senza tenner alcunu riguardu.
Cantu ti naschit su fizu bastardu
Dobbidosu ti ghettas su cucuttu.
Acconcada li has a ojos vistos
A su craru vidente e no cua
Còmmo colliti tottu: est roba tua
Sos tuos e anzenos acquistos;
però des benner chin sos murros pintos
chei sa trotta in mesu `e sa lua;
currende fin currende a tottu fua
fin`a cando ti ses isbarrazzadu.
Atter si l’hat sa terra pienada
E tue su laore ti lu messas
Tue non l’has pensadu né bi pensas
Chi faches un’icunza ammesturada.
Asiu nd’has issepert’isseperta
Commo chi b’hat in mesu atteru ghiu
Istadu jà ses prontu e attiviu
Ponner’a muros ruttos coperta.
Separada ti l’han in mesu mandra
Ca fis in s’appettidu dae meda
Chettadu l’has sa a sa pruddeda
Ma non l’han riparadu sa malandra.
Cantu s’est agattada a forza branda
T’est abbarrada a la seder maseda
Senz’accostar’a muru né a preda
Ti nche li ses a subra cavalcadu.
Jà bido che de tottu ses cuntentu
Chi non ti piccas nessuna chimera
Ma però cant’affazzas a carrera
Ses coronadu che boe d’armentu.
Maccheh’est issa ch’at postu fattu tou
E tue peus ch’has leadu a issa
Tres annos fit a s’atter’impromissa
Ei commo ses tue isposu nou
Comm’a cumone bos cochide s’ou
Cando lu criat si non l’hat creadu.
Nicolò Daga
|
|
|
I bastioni
Alghero (SS)
..un altro meraviglioso angolo di Sardegna |
|
|
Regione Estero ~
Città: Thajngen ~
Messaggi: 1322 ~
Membro dal: 22/12/2008 ~
Ultima visita: 09/11/2011
|
 |
|
|
errante
Salottino
Utente Senior
|
Inserito il - 06/02/2010 : 05:02:38
|
Nicolò Daga.
OSSERVAZIONES A UNU ZOVANU
ISPACCONE
Da chi ses pacos annos cojubau
Cominzas a ischire it’est su mundu
Zovanu fanfarone e pili tundu
Provande cosas chi no has provau.
Commo cantas e giubilas in artu
Chi sa berretta a mesu palas
Però des benner a perder sa galas
E torrare a berritta de quartu
Cantu cominzat a etrare martu
Ti s’hana a presentare sas iscalas
Tando tue no arzias e ne falas
Ca ses che boe rude isanimau.
Da chi ses…
In tottue chi ziras, conchi maccu,
T’ intenden tottu in cussa cantilena
Si nche ghettas su pede a sa cadena
Tand’ ischi site b’hat intr’è su saccu
Si gal’istau non bi ses theraccu
A bezzu des istare in domma’anzena
Commo fredda a bucca piena
Però a sa fine des benner cagliadu.
Da chi ses…
Deo fip’ispassasu cant’a tie
Dimandatinde a sos chi m’han connottu
Però commo mi serbit de abbolottu
Chi non nde pott’intender e nen bier
Gai matessi hat a costare a tie
Chi tind’has a isponer de tottu
Si ti coiubas has a facher vottu
D’istire ogni die ritiradu.
Da chi ses…
|
|
|
I bastioni
Alghero (SS)
..un altro meraviglioso angolo di Sardegna |
|
|
Regione Estero ~
Città: Thajngen ~
Messaggi: 1322 ~
Membro dal: 22/12/2008 ~
Ultima visita: 09/11/2011
|
|
|
|
cat-erpillar
Salottino
Utente Medio
|
Inserito il - 06/02/2010 : 14:01:46
|
belle...grazie
|
|
|
Spesso col tempo muoiono amori amicizie o anche semplici conoscenze, i bei ricordi sono un soffio di vento ma durano un'eternità. _____________Cat-erpillar |
|
Regione  Sardegna ~
Città: sardegna ~
Messaggi: 390 ~
Membro dal: 17/02/2008 ~
Ultima visita: 25/11/2017
|
|
|
|
errante
Salottino
Utente Senior
|
Inserito il - 09/02/2010 : 08:46:39
|
GIORGIO FILIPPI
Originariu de Bitti ada’iscrittu versos meda delicatos e poeticos.
E vividu tra su 1770 e su 1800.
GIÀ SU ERANU EST TORREBDE
Già su eranu est torrende
che prima allegru et forzidu;
ma reposu perdidu
pro me non bi torrat mai,
su coro in tantos guais
ad ogn’istante delira`
et tue, bella, mi miras
tantu cuntenta penende.
Già torrat a sas campagnas
su virde amenu colore,
già est isoltu su rigore
de su nie in sas montagna
ma su coro in sas intragnas
est die et notte affliggidu.
Cuddu astrau cungeladu
De s’arburedu in sas chimas
Est già isoltu et che prima
Tenet sas fozas s’aggradu,
ogni fiore allizadu
ponet su luttu in olvidu.
De mill’et milli fiores
s’idet su campu adornadu
inue non b’hat culcadu
s’industriosu aradore,
hat già mudadu colore
et de virdura est bestidu.
Sas piantas delicadas
appen’ispuntat su die
parent chi gioghent et rie`
ca primavera est torrada,
et mustrant a sa mirada
su fruttu nou bessidu.
Su rossignolu candende
dulzemente su manzanu
dat a bider chi s’eranu
est già suave torrende,
et eo sempre penende
pr’ unu coro incrudelidu.
S’anzone ancora minore
disizende a pasculare
sa mama lassat istare,
paschet ervas et fiores,
et tue tantu rigore
mustras cun risu fingidu?
Già cominzant a giogare
cun maneras sas pius bellas
sas innozzentes vitellas
unendesi totu umpire,
et eo sempre a penare
solu dep’esser naschidu?
Chircat montagna et mares
sa bella rundene amante,
sempre in s’idea costante
de cherrer clima mudare,
et torrat a visitare
s’antugu istimadu nidu.
Finzas cuddu navigante
dai su mare agitadu
est a su portu approdadu
in custu felizze istante,
et già curret anelante
pro ider su patriu lidu.
Già a su bessire s’istella
ccuret lestra a sa funtana
pro si cumponner galana
cudd’amante pastorella,
su fronte, sa cara bella,
su pilu brundu dechedu.
Edducadas est pro me solu
chi non b’hat mudassione,
est i sa bella istajone
la passo in pena et in dolu?
Si non b’hat pro me consolu
Siat s’affettu finidu.
Ma no, perdonami cara,
totu cant’est ca t’adoro,
non lu permettit su coro
su chi t’esprimit sas laras,
su chi sa limba ti narat
est faeddare fingidu.
Già des poder incontrare
fazzilmente anter’amante
ma non det esser costante
cale tue has a bramare,
ne des poder agattare
amante de me pius fidu.
Ma su reposu perdidu
pro me non bi torrat mai.
|
|
|
I bastioni
Alghero (SS)
..un altro meraviglioso angolo di Sardegna |
|
|
Regione Estero ~
Città: Thajngen ~
Messaggi: 1322 ~
Membro dal: 22/12/2008 ~
Ultima visita: 09/11/2011
|
|
|
|
maria
Salottino
Utente Maestro
|
Inserito il - 09/02/2010 : 09:23:09
|
| Messaggio di errante
Poesias in limba
1500 - 1900
Nicolò porcu-Deiana-jimadu Daga, naschidu a Nuoro
|
Amicone meu mi ha colpito questo cognome d'uno essendo il mio e l'altro Deiana e il cognome dei miei zii
avevo un avo poeta allora
|
|
|
Redentore - Monte Ortobene
Nuoro
..un altro meraviglioso angolo di Sardegna |
|
|
Regione Estero ~
Prov.: Nuoro ~
Città: Belgio ~
Messaggi: 9298 ~
Membro dal: 21/04/2006 ~
Ultima visita: 30/09/2023
|
|
|
|
Tizi
Salottino
Utente Virtuoso
|
Inserito il - 09/02/2010 : 09:32:30
|
Bellu e interessanti custa discussioi, bravu Errante....mi praxinti is poesiasa in limba.....
|
Modificato da - Tizi in data 09/02/2010 09:32:50 |
|
|
Panorama
Villa Sant' Antonio (Or)
..un altro meraviglioso angolo di Sardegna |
|
|
Regione Sardegna ~
Prov.: Oristano ~
Città: Villa S. Antonio/Orbassano ~
Messaggi: 4943 ~
Membro dal: 10/09/2008 ~
Ultima visita: 01/06/2020
|
|
|
|
errante
Salottino
Utente Senior
|
Inserito il - 09/02/2010 : 10:28:48
|
| maria ha scritto:
| Messaggio di errante
Poesias in limba
1500 - 1900
Nicolò porcu-Deiana-jimadu Daga, naschidu a Nuoro
|
Amicone meu mi ha colpito questo cognome d'uno essendo il mio e l'altro Deiana e il cognome dei miei zii
avevo un avo poeta allora
|
Marì! est meda probale chi siat unu tou antenadu.
ps. non ti arrabies... est ordine de sos diregentes de iscriere in Sardu
|
|
|
I bastioni
Alghero (SS)
..un altro meraviglioso angolo di Sardegna |
|
|
Regione Estero ~
Città: Thajngen ~
Messaggi: 1322 ~
Membro dal: 22/12/2008 ~
Ultima visita: 09/11/2011
|
|
|
|
Tzinnigas
Salottino
Moderatore
|
Inserito il - 09/02/2010 : 10:36:54
|
BERTULU SERRA
( Su cantore ‘e sa puddedra)
De custu poeta e de sa vida sua avventurosa sind’ischit pagu. Ischimus chi fit naschiudu in Tissi, su 21 de marzu 1865 chi inie est fattu mannu, e mortu a 34 annos su 11 de tremula 1899.
SA RUNDINE
Una die in su menzus rifflittire
coment'istat un omine in presone,
e giudighend'ogni riflessione
m'ido sa lughe unu pagh'imbrunire.
Altzo sos ojos e bido fuire
una rundine dae su balcone
appenas chi 'e me s'est abizada
prest'at fattu ‘e sas alas s'ispijada.
Mi nde pes'e cun s'oju appo síghidu
pro ischir'a a 'ue andaiat solu,
a una runda at leadu su olu
ch'a ojos mi eniat appo ‘idu
e isclamesi ‘idendeb'unu nidu
ah! finzas unu puzzone at su consolu
ch'andat e bolat e girat de nou
e semper torrat a su nidu sou.
Dognun'unu andat si solet ispassare
Per'a mie sos gustos m'an brivadu;
in mesu a battor muros inserradu
chena poder andare, ne torrare,
non b'at a chie mi paragonare
so peus de ogni isfortunadu,
ma che ch'esserat mandada
accò de nou sa rundine torrada.
Rundinedda li nesi unu mamentu
frimmadi e faghemi unu piaghere,
si non ses tue chie tando attére
at a intender su meu lamentu?
De nou ti che olas oh! trummentu
chi m'abbandonas che chi mort'essere:
solu pro so lamentos t'assuconas
fintzas tue puzzone m'abbandonas.
Però non fit su ‘olu a s’appartare
ne at fattu a su nidu unu ritiru,
solu ‘olende s'at fattu unu giru
accò de nou ch'est solida torrare,
chi pariat disposta de iscultare
ogn' affannu, ogni dolu, ogni suspiru:
tandu nesi a boghe lenamente;
rundine frimma non timas niente.
Frimmadi rundinedd'a m'iscultare
prestu non ti che oles a sa runda,
o times chi 'e lagrimas t'iffunda
sas alas chi pius pottas bolare?
O fossi chi 'e penas ti nde cunda
de cuddas chi mi solen'aggravare?
Frimmadi rundinedda, ‘ista pasada
ch'est a giugher a Tissi un'imbaáciada.
Frimmadi chi lis das tantos adios
tant'impressada rundine non sias,
s'andas a Tissi attraessa sas vias
saluda meda sos compagnos mios,
e 'ue bides lagrimas a rios
frimmat inie chi sun sorres mias;
ch'ambas sun pianghende a pil'isortu
però presente non b'an su mortu.
Narabilis si lagrimas l'abbundan
calmen e si las solan arribare,
a da chi semus a ojos a pare
ch'in tottos tres formamus duas undas,
chi sos sididos sa ucca s'inundan
una orta pro si nde satziare,
faghemi rundinedda 'e curreu
già ti l'at a recumpensare Deu.
Rundinedda si fagher mi lo pode,
s'andas a continente solitaria,
si comente continu andas in aria
chissà olende ch'inie che rode,
in Ischinanu b'app'unu nepode
mi chi guardia est finantziaria,
pro un'eternu li das un adiu
nàrali chi bi lu mandat su tiu.
Narabil'a nos bider a sue die
de s'orrendu giudisciu universale;
ma prite ti che olas forsi male
ti faghet su mirare tristu a mie?
Eh! si podia ponner fatt'a tie
a bi lis narrer deo puntuale,
ma si ti ch'andas bae in ora ‘ona.
da ch’in su menzus narrer m’abbandona.
( Bertulu Serra)
|
|
|
... Este de moros custa bandera ki furat su coro...(Cordas & Cannas)
"Ci sono due cose durature che possiamo sperare di lasciare in eredità ai nostri figli: le radici e le ali” (Hodding Carter)
|
|
Regione  Trentino - Alto Adige ~
Prov.: Trento ~
Città: Predazzo /Villa S. Antonio ~
Messaggi: 4940 ~
Membro dal: 27/08/2008 ~
Ultima visita: 04/06/2020
|
|
|
|
maria
Salottino
Utente Maestro
|
Inserito il - 09/02/2010 : 10:37:52
|
| errante ha scritto:
| maria ha scritto:
| Messaggio di errante
Poesias in limba
1500 - 1900
Nicolò porcu-Deiana-jimadu Daga, naschidu a Nuoro
|
Amicone meu mi ha colpito questo cognome d'uno essendo il mio e l'altro Deiana e il cognome dei miei zii
avevo un avo poeta allora
|
Marì! est meda probale chi siat unu tou antenadu.
ps. non ti arrabies... est ordine de sos diregentes de iscriere in Sardu
|
Upsssssssssssssss
credia solu sas poesias in Sardu
pedo iscusasas a sos diregentes
Heee appo un antenau poetessu e nn bi l'ischia
|
|
|
Redentore - Monte Ortobene
Nuoro
..un altro meraviglioso angolo di Sardegna |
|
|
Regione Estero ~
Prov.: Nuoro ~
Città: Belgio ~
Messaggi: 9298 ~
Membro dal: 21/04/2006 ~
Ultima visita: 30/09/2023
|
|
|
|
Tzinnigas
Salottino
Moderatore
|
Inserito il - 09/02/2010 : 12:32:03
|
Paolo( Paulicu) Mossa (Bonorva, 16 aprile 1821 – Bonorva, 6 agosto 1892) Unu de sos poetas pius mannos de Sardigna.
In morte de…….
Ohimè! non fit Custa, no, sa die
Ch'eo tantu amena ispettaia;
S'oggettu pius caru chi tenia
Mi l'has leadu, o morte incrudelida!
Ite nde fatto como de sa vida
Piena de affannu e de tristura?
Ah, morte incrudelida! morte dura!
Cantu dolore has causadu a mie!...
Ahi! sa pena chi suffrit s'amante
Su 'ider morta s'adorada isposa,
Ca gai tantu dura e affannosa
Chi bi nd'hat pro nde morrer in s'istante.
Sos chi l'hana proadu ischin bastante
Cantu siat immensu su dolore,
Ca pro me cust'est die de terrore,
De disisperu e de malinconia.
O Deus, prite tantu incrudelidu
Contr'a mie mustradu ti ses oe?
Custu sero da' ora 'e sas noe
M'has pro sempre da' issa divididu;
Pro viver infelize sos naschidu
E affannosu in mesu sos bios;
Torrami s'adorad'a brazzos mios,
Si cheres, Deu, chi cuntentu sia.
Prite, caru tesoro, non t'ischidas?
Non bides chi ti so sempre presente;
Cun ch'abberzas sos ojos solamente
Mi sanar in su coro sas feridas;
Sun pro me sas deliziar finidas,
Est finidu pro me ogni cuntentu;
Ah, dura sorte, fatale momentu,
M'has giambad'in tristura ogn'allegria!
O cara isposa mia, amada tantu,
E prite goi m'has abbandonadu?
Tue ses morta e deo so restadu
Cun affannos, suspiros e piantu:
Eternamente in custu campusantu
Paghe goses in mesu sos fiores;
E non t'importet, no, si cun dolores
Passo deo sa trista vida mia.
Sos fiores ti siana cunfortu,
Su patimentu meu non lu sentas,
Però pianghe cando ti nd'ammentas
Chi m'has lassadu 'iu, ma so mortu.
Ma non ses tue, no, chi l'has su tortu
Chi solu Deus mi l'hat causadu;
S'amore immensu nostru has separadu,
Su cale separare non creia.
Tue ses morta e deo resto in penas,
E pianghes pro me ca nde so zertu,
Tottu su mundu est pro me desertu
E sun finidas deliscias amenas:
Sas allegrias dén esser anzenas,
Pro me flagellos, tristura e turmentos,
Affannos, disisperu e patimentos,
Passendela sa vida in angustia.
Cumpagna mia, in paghe reposa,
In cussu logu d'eternu reposu
E deo vivo tristu e affannosu
De piantu bagnendedi sa losa,
Ornada de fiores e de rosa,
E bagno puru sas fozas azzesas;
Fors'a tantu piantu ti nde pesas
E torramos che prima in cumpagnia.
Cumpagna mia cara, non lu creo
Chi mi lessas inoghe pianghinde,
Mov'a cumpassione, pesadinde
Pro parte tua in sa losa b'intr'eo;
L'ischis ch'eo in vida non ricreo
E tue patis troppu istende morta,
Faghemila finida a una 'orta,
Pone fine a s'orribile agonia.
Prite mi lassas piangher arreu,
In lagrimas mi cheres consumare:
Pagu cuntenta paris de giambare
Sa morte tua cun su viver meu;
Prega dogn'annu e invocad'a Deu
Chi 'enzat sa domanda cunzedida:
O ambos mortos, o ambos in vida,
Non lu permittat, no, pro un'ebbia.
So zertu chi m'intendes su lamentu,
Ca su lamentu tou guru intendo:
Tottu su narrer tou lu comprendo
Da-e sas fozas chi movet su 'entu;
Dolente de su meu patimentu
E deo hapo in te doppiu dolu,
Non bistes sola, non mi lessas solu,
Non mi che ponzas in sa cumbessia.
Torr'a su mundu e ponebi premura,
Da-e su cumpagnu e proite t’assolas?
Lea su 'olu, columba, e nde 'olas
Da-e su profundu de sa sepoltura,
E gai un'e atteru hamos cura
E ogni pena nostra est guarida;
Pesa,Venus amada, torra in vida
Lassala cuss'eterna presonia.
Ermosa, iscult'a mie da' igue
Attentamente s'affliggida 'oghe
Nendedi: — Amante mia, ben'inoghe!
Non benis?... Tand'enz'eo a ue ses tue!...
Narami, a ue cheres chi recue?...
Comente cheres fatt'eo, columba.
Non benis tue?... Prepara sa tumba,
Affacc'a tie in sa terra radia!
Torr'a su mundu, appagamos sa brama,
Chi sa 'ennida tua la bramamos
Ogn'ora, ogni momentu, t'isettamos;
Amante, frade, sorre, babbu e mama
Istuden in su coro sa fiama
Chi nos est ogn'istante consuminde
Ogni minutu nos parit beninde,
Nos paret narrer: — Accò... (?).
Ohimè! non fit custa, no, sa die
Ch'eo tantu amena isettaia.
|
|
|
... Este de moros custa bandera ki furat su coro...(Cordas & Cannas)
"Ci sono due cose durature che possiamo sperare di lasciare in eredità ai nostri figli: le radici e le ali” (Hodding Carter)
|
|
|
Regione Trentino - Alto Adige ~
Prov.: Trento ~
Città: Predazzo /Villa S. Antonio ~
Messaggi: 4940 ~
Membro dal: 27/08/2008 ~
Ultima visita: 04/06/2020
|
|
|
|
Tzinnigas
Salottino
Moderatore
|
Inserito il - 09/02/2010 : 16:02:19
|
Padre Luca Cubeddu, naschidu Giovanni Pietro Cubeddu (Pattada, 1748 – Oristano, 1828), est istadu unu de sos mannos poetas in limba…
A numene mi naro Padre Luca,
A provegliu mi naran Padre Solle;
Sos versos chi mi ‘essint dae ‘ucca
Parent essere bettados a su molle.
Sos peccados capitales
Non ti fettas superbu, nè iracundu
E nè ambiziosu, nè avaru,
Onore e benes lassa in su mundu
Bendas a pregiu onestu, o bendas caru,
S'avaru est unu mare senza fundu
Chi sinde salvet unu est casu raru,
S'avaru no hat fide e est dolosu
Sempre inchiettu e non tenet reposu.
Si mandigu o in biidu ses gulosu
E t'imbreagas a giara o a cua,
E si ses isquisitu, apetitosu
Mischinu tue e i sa domo tua!
Su binu immoderadu ti est dannosu,
De velenu ti servit, e de lua,
Podes morrer in s'attu de accidente
Cundenadu e s'inferru eternamente.
Non t'attristes si unu est in fortuna
Ne t'allegras si unu hat unu male,
Mai sa sorte est istada comuna
Trattendesi de bene temporale.
In s'anima non b'hat sorte nessuna
Sa via de su Chelu est uguale:
B'andet su Re o b'andet su mischinu
Faghent ambos su propriu caminu.
Mai t'attristes pro t'esercitare
In tribaglios pro esser virtuosu,
Inclinadi continu a tribagliare
Ca est peccadu a istare oziosu.
Deus cumandat de non disperare
Proite ch'est babbu meda piedosu.
Tottu podimus cun fazilidade
Cunservare cun Deus s'amistade.
|
Modificato da - Tzinnigas in data 09/02/2010 16:03:24 |
|
|
... Este de moros custa bandera ki furat su coro...(Cordas & Cannas)
"Ci sono due cose durature che possiamo sperare di lasciare in eredità ai nostri figli: le radici e le ali” (Hodding Carter)
|
|
|
Regione Trentino - Alto Adige ~
Prov.: Trento ~
Città: Predazzo /Villa S. Antonio ~
Messaggi: 4940 ~
Membro dal: 27/08/2008 ~
Ultima visita: 04/06/2020
|
|
|
|
errante
Salottino
Utente Senior
|
Inserito il - 10/02/2010 : 06:58:22
|
Sebastianu Satta (1867-1914)
Naschidu a Nuoro dae babbu avvocadu,est istadu orfanu da pizzinnu. A frequentadu in sa zitade nativa sos istudios elementes et sos ginnasiales.Poi at frequentadu su liceo e sun`iversidade de Tattari. Daboi de su seviziu militre a Bologna, est rietradu a Tattari e ses`itrapresu in sa carriera de su giornalista,est diventadu in presse unu connoschidu et istimdu penalista.Sa vena poetica la hait già dae edade de pizzinnu, et li funti ispirada dae su sou credo politiccu e dae sa vida de su populu barbaricinu.
In su 1908 unu grave ictus l’hada paralzzadu sa prte destra de su corpu. Moriat in sa zitade sua ses annos poi, in su 1914.
A Piera
Piera, non ti mustres tantu avara
de amore e sorriso delicatos
chin custu coro meu, chi ti prepara
basos e carignos mai provados.
Iscurta, bella, iscurta, rosa rara,
iscurta sos pintos infimmados
chi notte e die pro te, columba cara,
m’essin dae sos ojos disidizzados.
Pache, columba mea, pache, tesoro,
istella mattutina de s’oriente
chi costante mi brillas in su coro.
Semus unidos in unu destinu:
e dego aspetto cuss’istante ardente
chi amus a dormire sinu a sinu.
|
|
|
I bastioni
Alghero (SS)
..un altro meraviglioso angolo di Sardegna |
|
|
Regione Estero ~
Città: Thajngen ~
Messaggi: 1322 ~
Membro dal: 22/12/2008 ~
Ultima visita: 09/11/2011
|
|
|
|
errante
Salottino
Utente Senior
|
Inserito il - 11/02/2010 : 08:20:33
|
| Tizi ha scritto:
Bellu e interessanti custa discussioi, bravu Errante....mi praxinti is poesiasa in limba.....
|
Tizi! grazias! ispero chi sos colleghas e tue puru mi diana una manu; hat iscrire calche d'una. 
|
|
|
I bastioni
Alghero (SS)
..un altro meraviglioso angolo di Sardegna |
|
|
Regione Estero ~
Città: Thajngen ~
Messaggi: 1322 ~
Membro dal: 22/12/2008 ~
Ultima visita: 09/11/2011
|
|
|
|
errante
Salottino
Utente Senior
|
Inserito il - 11/02/2010 : 08:25:20
|
Bustianu Satta
S’abbocau
Si faveddo, faveddo chi` resone
su dialu do su santu e avvocaeddos!
A Bovore connau pro duos porcheddos
che l’han fattu finire in reclusione.
Pica a Bustianu Satta… sos chrbeddos
chi li sartien a balla, mammuthones…
juchet sa` cara manna che bajone
e si tropedit nande duos faveddos.
E gai! Semper mi serbo `e Bellingherra.
Iah est beru ch`est carittu, ma non crettas
chiunu menu nd`accattes i` sa terra.
Cussu jà est abboccau! es sa pandera!
Chin d`una difesedda e tres brullettas
Ti nch`intrazzat su ladru da-e galera.
|
|
|
I bastioni
Alghero (SS)
..un altro meraviglioso angolo di Sardegna |
|
|
Regione Estero ~
Città: Thajngen ~
Messaggi: 1322 ~
Membro dal: 22/12/2008 ~
Ultima visita: 09/11/2011
|
|
|
|
errante
Salottino
Utente Senior
|
Inserito il - 13/02/2010 : 07:40:45
|
Bustianu Satta
Su battizzu
Compare, barbi fattu che un isposu,
colat a inchiuriu chin sa caraffina;
a sos pizzinnos dat su maricosu
e a comare caffè de coraddina.
Iffora, in sa cortitta, ziu Cambosu
li pesat un boche; in sa cuchina
zaiu cuntentu, in mesu a sa chisina
s` est tottu isteriu che che cane runzosu.
E a su pizzinnu tottus sa fortuna
leghene in sas istellas e in su binu
e li cantana a inghiru sa cantone.
Ma Antoni, ch`ind`hat bibiu prus de una,
narat chi tottus hat zirau su tinu,
ca su pizzinnu finit in presone.
|
|
|
I bastioni
Alghero (SS)
..un altro meraviglioso angolo di Sardegna |
|
|
Regione Estero ~
Città: Thajngen ~
Messaggi: 1322 ~
Membro dal: 22/12/2008 ~
Ultima visita: 09/11/2011
|
|
|
|
Discussione |
|
|
|
Tutti i Forum
Poesias in Limba dae 1500-1900
Qui c'è:
