|
Albertina
Salottino
Utente Mentor
Poetessa Paradisolana
 |
 Inserito il - 02/07/2006 : 17:28:23
|
Chistio'is de amori e de sistemazio'i
( U piccioccheddu e u’a picciocchedda )
Adessi ca ti pottu accanta mia
o adessi ca m’as fattu cumpangia,
o forzis fudi su ballu accorau,
ma deu de tui mi seu innamorau.
Cun tui m’ia bolli sempri notti e dì,
ti nd’ia a fai pesai a mesu dì
e ti fadia setzi in dd’una poltrona
e ti trattà de dama e de sannora.
Adessi ca no sciu chi ses brullendu
o adessi ca no scis su chi ses narendu,
o forzis esti su binu chi asi buffau
chi t’adi unu pogheddeddu stontonau.
Iastessi cosa de pasci notti e dì,
no sciu ita ia papai a mesu dì,
e chi m’iada a comprai sa poltrona
po fai deu sa dama e sa sannora.
Tui frungis su bruncu e fais sa finta tonta
no callas a ciorbeddu e mancu a conca
No scisi su chi perdis tui cun mei,
mancai no sia principi e nì rei.
Astessi mancai bella e cumpraxenti,
ma deu fui u degnu pretendenti
e castia no faidi nudda dd’oisi intendi?
Cun tui custu merì deu fui brullendu.
Tui no ses principi e nì rei
e deu sciu su chi toccada a mei.
No tenis atti tui e mancu patti,
appa disigiai poviasa una tassa de latti.
Astessi mancai bellu pretendenti,
ma nanta ca ses nullatenenti
e castia de siguru no m’offendu
chi cun mei custu merì fusti brullendu
Provendu fetti fui de fai sa rima
e abarrausu amigus che prima
e a nemus diaderus appa nai
a chi sempri in su coru appa pottai.
A tui però ti dd’appa nai
chi crasi benis cun mei a binnanai
e chi m’aggiudas a m’attuai sa scatedda,
no brullisti cun mei o picciocchedda.
E sighi puru tui a ponni canzoni,
no agattisti me in gui sistemazioni
e deu insaras appa ascuttai
a chini sempri in su coru asa pottai.
Deu andu a traballai mancai a soba
e fatzu su chi depu a dogni ora
e apa attuai puru is scatteddas
cumenti de tottu is attras piccioccheddas.
Deu custu chi oisi t’appa fai scì,
ma no prus tradu de crasi a merì
chi esti prus bella de ua rosa
e chini ia bolli deu cument’e sposa.
Ti ddu nau asutta de una matta tottu in frori,
cantendudidda ua canzonetta de amori.
Tui, però, promitti, no siasta gelosa
chi no ses propriu tui cussa sposa.
E deu t’appa nai in mesu de sa genti
ca deu tengiu u antru pretendenti,
chi narada ca seu bella che una rosa
e iada a bolli a mei cument’e sposa.
Deu puru t’appa nai tranquillamenti
su nomini de cussu pretendenti.
Ma castia, no ti depis inchiettai
chi andada prus de tui a traballai.
|
Modificato da - in Data
| |
|
|
Regione  Sardegna ~
Prov.: Cagliari ~
Città: Villamar ~
Messaggi: 3638 ~
Membro dal: 29/06/2006 ~
Ultima visita: 31/07/2012
|
|
Tutti i Forum
Poesiasa e Canzonis in sardu
Qui c'è:
