| V I S U A L I Z Z A D I S C U S S I O N E |
| enoch |
Inserito il - 24/08/2012 : 12:31:12
Bol lasso calchi poesia in sardu iscritta dae ammie.
Sa prima in versos liberos
AMMENTOS
M’ asa aradu
su coro
cun alenos
e roccas
cun camineras
de ammentos
Sa notte ammiro
niedda e isteddada,
sos cantos
de entu folte,
sas alturas,
sa zente tua
Saldigna
orgogliosa.
P.S.: sa "erre" in sa idda mia diventada "elle"
unu saludu
|
| 5 U L T I M E R I S P O S T E (in alto le più recenti) |
| Su foristeri |
Inserito il - 02/09/2012 : 16:40:57
| Messaggio di enoch
Bol lasso calchi poesia in sardu iscritta dae ammie.
Sa prima in versos liberos
AMMENTOS
M’ asa aradu
su coro
cun alenos
e roccas
cun camineras
de ammentos
Sa notte ammiro
niedda e isteddada,
sos cantos
de entu folte,
sas alturas,
sa zente tua
Saldigna
orgogliosa.
P.S.: sa "erre" in sa idda mia diventada "elle"
unu saludu
|
Sa "erre" giambada in "elle" este sa "lisca" comente la giamat Mauro MAXIA, linguista de Perfugas.
Custhu modu e pronuntziade esistit ind'una bona palthe e su Logudoro finas a Olbia, Padru, Budoni e in sa Pianaldza.
Ma non esistit in su Goceanu e in su Marghine.
In su Logudoro Settentrionale cioè dae una palthe, a Nord tra Nulvi, Bulzi e Perfugas e a Sud tra Romana, Thiesi e Torralba e dae un'attera palthe a Ovest, tra Olmedo, Villanova Monteleone e a Est, Tula, Ozieri e Nughedu San Nicolo ; b'amus "l'espirata laterale" chi si podet narrede ind'un atteru modu ma como no mi l'ammento.
Esempios : in sas peraulas folte, alturas o este pronuntziadas cun s'espirata laterale.
Segundu Giampaolo BAZZONI (atteru limbista de Poltudurre), custha pronuntzia chi esistit puru in su tattaresu, esistit solu in Saldhigna (este unica in su mundu).
Paret chi nisciunu ischet dae inue benit custha pronuntzia.
Si bi resesso, calchi die m'appo a ponnede in cuntattu cun Mauro MAXIA.
Appo proadu a la faghere pronunziade a fizu meu chi est bennidu in Saldhigna divescias bolthas ma non b'ha nudda itt'e faghede : esthe una pronuntzia troppu diffitzile.
P.S. : Sa lisca paret chi esistet puru in su Centru e sa Saldhigna. A Meana Sardo inue sa faeddada este de tipu campidanesu, narana "su moltu" invece de narrere "su mortu".
|
| enoch |
Inserito il - 27/08/2012 : 13:07:39
Custa l'appo iscritta po unu professore meu cando fia in s'universidade in Tattari. No so Remundu Piras, quindi peldonademi , est unu giogu
A NIGOLA TANDA
In sos annos de s'universidade
nd' appo fattu che Bistolde in Franza,
chilchende sa femina licanza o
legginde libros de onzi calidade
Unu manzanu, intrende in d'una istanzia
mi so unu pagu assuconadu
ca sas peraulas chi issu c'at bettadu
no lassiana peruna isperanzia
Cust' omine, appo tando preguntadu,
chi este, e puite est faeddende gai?
Su chi noisi ischimos no li bastat mai,
parede dae s'alza avvelenadu!
Issu est fentomadu, sussinca zenia,
intro s'universidade turritana
po cussu chi in s'esame da' mattana
su gualdianu 'e s'inferru in sa Divina
[Comedìa
Ma sa zente no este ispiggiu ebbia
e resessidi puru a t'ispantare,
a boltas forsis' a t'appassionare
a sos versos ispirados dae Talia
Su faeddare sou m'ada oltuladu,
e cando capitaia de chistionare
laru in conca mi pariat de inghiriare,
die po die su coro m'ada aradu
A boltas nos ponimis a poetare
in s'esame, in calchi lezione sua,
comente su mazzone cun sa ua
o cun fiducia in su versificare
Dae issu comunque appo imparadu
chi si podede sempre mezzorare,
no ti frimmese a ti lusingare,
in fida mai t'intendasa arrivadu
Custos versos t'ana a ispantare:
intro 'e issos no biasa sa pretesa
de poesia, de falsa gentilesa, ma
solu sa gana mia de t’ammentare.
|
| Tzinnigas |
Inserito il - 26/08/2012 : 17:40:32
| enoch ha scritto:
Ca cando sese inie no ti rendes contu de cantu siat bella e pone puru in contu chi, essende giovanu, pensasa a ti diveltire, a istudiare, a bessire cun sos amigos. Poi ti c'andasa, cuminzasa a trabagliare, ti coggiuasa e cuminzana sas responsabilitadese. Este puru sa pizzinnia a ti mancare.
Penso chi logos bellos bi nd'ada in tottue e cando imparas a istare ene cun attie ettottu, no impoltada inue tue istese. Beru este chi, pero, che sa Saldigna ti la tenese sempre in su coro e cando in continente intendese unu faeddende in saldu paret de lu connoschere dae sempre.
Grazie po ae leggidu e nadu unu pensamentu tou.
|
Beru, esti sa matessi cosa chi penzu deu! |
| enoch |
Inserito il - 26/08/2012 : 17:20:30
Ca cando sese inie no ti rendes contu de cantu siat bella e pone puru in contu chi, essende giovanu, pensasa a ti diveltire, a istudiare, a bessire cun sos amigos. Poi ti c'andasa, cuminzasa a trabagliare, ti coggiuasa e cuminzana sas responsabilitadese. Este puru sa pizzinnia a ti mancare.
Penso chi logos bellos bi nd'ada in tottue e cando imparas a istare ene cun attie ettottu, no impoltada inue tue istese. Beru este chi, pero, che sa Saldigna ti la tenese sempre in su coro e cando in continente intendese unu faeddende in saldu paret de lu connoschere dae sempre.
Grazie po ae leggidu e nadu unu pensamentu tou. |
| Rita Niffoi |
Inserito il - 25/08/2012 : 18:05:25
Bellu abberu. Ite at a èssere mai custu oriolu chi ana sos sardos in terra anzena? |
|
|
Tutti i Forum
Poesias de enoch
