Forum Sardegna - Su cappeddu de tziu Giuanni

Forum Sardegna

Nome Utente: Password:		Registrati
Salva Password
Password Dimenticata?

Forum Sardegna Portale Contatti Regole Forum Registrati Discussioni Attive (0) Discussioni Recenti Discussioni senza risposta Sondaggi Attivi Cerca FAQ

Nota Bene: Gonnosnò - è localizzato nella parte della Marmilla ai piedi dell'altopiano della Giara..Situato a m. 175 sul livello del mare si stende per 15,45 Km quadrati. Comprende la borgata di Figu, frazione di Gonnosnò
Il toponimo del paese pare derivi dall'unione dalla radice "gonnos" significante collina, con il termine "nò" genitivo di "nèos" significante "del tempio". Un'altra teoria ci porta alla conclusione che il nome Gonnosnò significa "colle nuovo".

Tutti i Forum

Limba Sarda

Contos e paristorias

Su cappeddu de tziu Giuanni

Qui c'è:

| Altri..

Autore

Discussione

Albertina
Salottino
Utente Mentor

Poetessa Paradisolana

Inserito il - 20/05/2008 : 18:21:38
Su cappeddu de ziu Giuanni Personaggi: tziu Giuanni sa pobidda Efisina Giuanni ) Afisina…seu penzendu a ua cosa Efisina ) Tocca ti t’intendi. Giuanni ) Veramenti no megu de ddu penzai imoi, ddu tengiu penzau de meda. Appu penzau ca cust’otta mi pongiu a cappeddu! Efisina ) E imoi poita ti ois poi a cappeddu? Has sempri pottau su barrettu! Giuanni ) E chi appu sempri pottau barrettu, itta ci appicciagada? No faidi a cambiai? Efisina ) Certu ca faidi! Ma u arraxoi ci adessi po cambiai? Tui, poita ois cambiai? Giuanni ) Ollu cambiai, poita ca su cristiau a cappeddu parridi ca esti prus considerau… candu andada a s’offiziu, a Casteddu e me in bidda puru, castia…s’omi a cappeddu, torru a nai, esti u antra cosa. Cras e tottu andu a Casteddu e mi ddu compru. Cosa de nai c’esti? Efisina ) Nudda de nai! Mi nd’ada impottai! Fai e sciai! S’incrasi ziu Giuanni andada a Casteddu e compra su cappeddu Giuanni ) Afisinaaaaaaaaaaaaa!!! Comprau su cappeddu! Afisina ) Comprau? Giuanni ) E cappeddu!!! In bidda no mi dd’appu postu, ca dd’ollu incingiai domigu, ma me in Casteddu appu fattu sa prova…is sannoris mi castianta tottu spantaus…ma ita s’anta a crei cussus casteddaius…ca fetti cussus si pointi poi a cappeddu!!! E poi no è cappeddu pigau mancu in su mercau!!! Dd’appu pigai and’è Borsalino!!! Nd’iada setti ottu o dexi in sa vetrina, tottu de misuras diversas. Tottus a su stessu pretziu!!! Affarieddu appu fattu!!! Efisia ) Poita calli has comprau? Giuanni ) Ita appai comprau tui puru! Su prus mannu! Mi coberri tottu sa fronti, crei ca su sobi no mi ddu scalla su ciorbeddu e in s’ierru puru è bellu meda ca cun sa falda, chi proidi faidi a dda girai, arregolli tottu s’acqua, e potzu andai finzas senza de paraculu! Incappas cussus casteddaius non ci ianta mai penzau. Eccusu poita mi castianta. E mi castianta là, ddu creis? Efisina ) Tocca, provadiddu su cappeddu, ca ti dd’ollu bì. ( Ziu Giuanni si provada su cappeddu: dd’arribada fias a su nasu ) Efisina ) Deu gei ddu creu, pobiddu miu, s’arrexoi de su spantu de is casteddaius… no sciu no sciu…incappas hanti penzau ca fusti toccau de biu!


Regione Sardegna ~ Prov.: Cagliari ~ Città: Villamar ~ Messaggi: 3638 ~ Membro dal: 29/06/2006 ~ Ultima visita: 31/07/2012