| V I S U A L I Z Z A D I S C U S S I O N E |
| poesianu |
Inserito il - 28/12/2014 : 19:46:06
Miserabile, ladru criminale
de su bene comunu e su meu,
una paralis' ti la mande Deu,
si lu trampas su codice penale.
Sa disfatta de Roma capitale
a bilgonza de su mundu intreu,
solu pane e abba sende reu,
di'e nott' in pè sena cabidale.
No! Impiccadu subit'e cremadu,
sa chisina imbolad' a su 'entu,
no merìtat su terrinu sagradu.
Iss'abiurat d'ogni sacramentu,
befat isperanzi' e caridade.
Sas familias ponet in turmentu,
profanat s'innozzente castidade,
comporende de bajanas s'onore,
ispavaldu e sena piedade.
Prepotent'e beffardu corruttore,
a sa politica faghet s'ojittu,
pro garas de appaltu in favore.
Sende reu de truffas e delittu,
bi l'abberin sas portas de presone;
grassiad'e un'insanu dirittu,
est torradu ladr'e proffessione.
Ladrones senadores e ministros,
Comunos, Provinzias, Regione.
Poveros istrazzulados e pistos,
pagamos s'infamidade insoro.
Cantana gloria osann'a Cristos,
falsos in sa morale e decoro,
disgrasciados viles e insanos.
Semus avvelenados in su coro,
a sos ladrones muzzamos sa manos,
si nos cherimos cambiare sorte,
pro purgare zertos Italianos,
torramus de nou, sa pen'e morte.
29/dicembre/2014
M. M.
A.
|
|
|
Tutti i Forum
Maffia Capitale: soneto a coda
