V I S U A L I Z Z A D I S C U S S I O N E |
poesianu |
Inserito il - 08/05/2013 : 13:27:07 Mort'oe in sa losa as su corpus ebbia, s'anima piena de risplendore; torrat armoniosa, cantende in poesia, a su divinu regnu de s'amore. Beneitt'ermosura, su don'e sa natura, as torrad'a s'Eternu Criadore. Venerada cunsigna onor'e vant'e tota sa Sardigna.
A Bonorv'un'anghelu su vintott'est faladu, sena criare dolore ne pena. Tiu Peppe a su chelu felize est pigadu, sonnende s'amad'isposa terrena. Ah'! sonnos irreales, sunt totas uguales, sas animas in sa glori'amena; santas in s'empireu solamente pro adorar'a Deu.
In vida sa favella no l'est mae mancada, cantende s'isolanu sardu cantu. cun sa su'oghe bella in sa moda o s'ottada, ammajaiat sa zente cun incantu. Felize e cuntenta iscultaiat attenta, dendeli: meritos, onor'e vantu. Unu poeta gae nos isperamus chi no morzat mae.
Tiu Peppe est mortu, abbarrat solamente, sa ogh'in calchi nastru rezistrada. Cantones de importu nos torrant a sa mente, sa nobile figura ben'ondrada. Su bonariu visu, armoni'e sorrisu, ispiju de un'anim'incantada; incantu cun amore de un'insuperabile cantore.
Sa zittadinanzia de Bonorva li feta, superv'e colossale monumentu. Deus s'isperanzia a un'ateru poeta, cunzeda: sa virtud'e su telentu, in su palcu ammissu, cantende che a issu, rinnove su poetic' ornamentu. cun amor'e istima cantet: operfetta metrica e rima.
28/03/2008 A. A. M:
|
2 U L T I M E R I S P O S T E (in alto le più recenti) |
Tzinnigas |
Inserito il - 29/05/2013 : 22:24:07 A duos giovanes collegas
Ponidemi sa morte in abbandonu prite si morzo deo no est recreu. Sa carriera bos cambiat tonu, non ch'azis a pigare a s'empireu. Si campo deo da' su sinu meu suides calchi ticcu e latte 'onu. Pero si morzo deo, ite castigu! Azis a suer latte 'e crabufigu.
Lassademi 'e sa morte sa cundanna, ca che a bois non morzo in sa gherra. Diappaer cantadu semper: Osanna! Ma si sighides custa cuntierra mi leo tando una bertula manna e bos che ponzo unu in cada perra. Bos bogo in ziru pro fagher a rier e pagan deghe francos pro bos bier.
|
zigarru de ottu |
Inserito il - 29/05/2013 : 21:19:58 Grande... tiu Peppe |
|
|