| V I S U A L I Z Z A D I S C U S S I O N E |
| poesianu |
Inserito il - 09/02/2013 : 17:55:15
A tie Nostra Segnora
ojos a s'infinitu
in n-d'una notte bruna
afflittu so preghende,
traessende su mare,
pienu de angustia
che poveru emigradu;
sena onor'e istima
tribagliend'in continente
o foras de nazione.
A tie nostra segnora:
a mie s'emigrazione
no m'at dadu niente,
pius poveru de prima
ma felize so torradu,
a sa terra nadìa
e in su meu cantare,
mi so intesu nende:
chie no at fortuna,
non peset mae chitu
e nemancu bessat fora.
torrada
A tie Nostra Segnora
ojos a s'infinitu:
a mie s'emigrazione,
no m'at dadu niente,
pius poveru de prima
ma felize so torradu,
a sa terra nadìa
e in su meu cantare
mi so intesu nende:
a chie no at fortuna
non bessat mae fora
e nemancu peset chitu.
A.A. M.
|
|
|
Tutti i Forum
mutetu pro s'emigrazione.
