| V I S U A L I Z Z A D I S C U S S I O N E |
| uomo pistillone |
Inserito il - 15/02/2011 : 14:18:37
Leggiu gi fia leggiu,
una dì chi femmu foras,
traballendi attesu mera.
Mi scirammu in su sonnu,
e non poremmu chistionai.
Leggiu gi fia leggiu,
a bì genti passillendi,
chi su frius de a merì paria callenti a su cunfruntu...
.... e no biemmu s'ora de torrai.
E 'mmoi chi seu torrau, immoi chi seu innoi,
biu leggiori oi pù,
chi cumprendu e no ci ollu pensai.
Leggiu? E'leggiu, eja.
E' leggiu a castai,
a intendi genti a si lamentai,
E' leggiu a intendi chi si nara "scumminigau",
de su destinu chi dde capitau...
.... poitta sa dì puru no si nde pesau.
E' leggiu a bì un omini ammanniau,
sganiu, chi scetti su dinai de babbu du fai prexiau.
E' leggiu e ti du nau: seu arrosciu de bì genti arroscia,
sganius de prim'e nasci,
cun sa mamma a fattu chi di nara 'tta deppi nai,
chi di fai intendi 'tta depp'intendi,
chi ddi serra is ogus po no castiai.
Eja, é logu bonu su nostru,
é bellu de biri,
e bellu a ci bivvi.
E' pò igustu chi ti ddu nau.
E'leggiu a 'ndi chistionai.
Seus tottus de accordiu,
finzas'a candu frari miu no bì itta seu pappendi.
Poitta sa dì chi di pigara - e una dì diar'a pigai -
inzà, lassa su chi é pappendi issu,
po pappai de su prattu miu.
Sa Sardegna é logu santu:
é a sa genti sarda chi di nau custu lamentu. |
|
|
Tutti i Forum
Scetti unu lamentu
