| V I S U A L I Z Z A D I S C U S S I O N E |
| Albertina |
Inserito il - 03/02/2008 : 22:10:06
Qualcuno di voi sa darmi notizie di questa canzone sarda?
S’angionedda mia bella conca de moru
po cantu appa bivi m’ada arregodai
dda tenemmu cara, prus cara de s’oru
beniu est margiani a mi ndi dda furai.
S’angionedda mia
No mi dd’aspettammu s’annada de occ’ annu
A mesudì in puntu sendu essi dromiu
In basciu de s’umbra frisca de orroliu mannu
Però cust’ingannu m’hat depiu pottai.
S’angionedda mia no sciu itta ada tenni
ca nimancu a trettu olidi a passai
si fuidi a pasci candu bidi a mei
cantu prus circat de ci stesiai.
Paridi una cosa mancu de no crei
cumenti s’angioni ha depiu cambiai
no bolidi intrai nimancu a corti
Finzas de notti circada de fui
è cosa de arriri solu su ddu nai.
Solu su ddu nai è cosa de arriri
deu m’atturu fetti spantau
casi mi scidat dogna santa diri
ita naturali cussa hat cambiau
Cussu naturali si bolit sighiri
unu compradori tengiu fueddau
certu de su tallu ci dda fatzu bessiri
non si nd’ada arriri de siguramenti
si est prepotenti gei dd’ada passai.
Si est prepotenti gei dd’ada passai
insandusu bidi su essi tremposa
angiois e brebeis megat de circai
Parid una cai mal’arrabiosa
a tottus megat de mi ddas mussai
Su pastori est sempri narendu cosa
de su tallu olidia a ndi dda liai
prima chi ddi scudada callincuna cosa
oburu su puntori dda podidi scallai.
Mancai ddi pighidi mali su puntori
ua bestia simili no emmu bistu ancora
dispraxiu troppu tengu su pastori
po truppa de cussa brebei traitora
Est un angioni senza de valori
de tottu su tallu cuvisionadora
c’intrada po dispettu a travessu de su lori
su tantudadori sempri benendu
sempri narendu su dannu a pagai.
|
| 15 U L T I M E R I S P O S T E (in alto le più recenti) |
| Arthacan |
Inserito il - 14/06/2008 : 22:15:12
Dda poneus ca ndi ballit sa pena.
Tottu in manu mia tengu duas arrosas
Tottu a manu mi tengu duas arrosas
gentilis, graziosas, dignas de mirai.
Tot'ind'unu ramu friscas odorosas:
penzu solamenti cali ndi segai.
Cali ndi segai penzu cun dolori
dependi essiri una sa prus preferia,
ma, si una m'incantat po s'arrubiori,
s'atera est bianca i appenas coloria;
si custa est bestia cun follas de prata,
s'atera in sa mata est dorada de sei,
mi privat sa lei però sa fortuna,
chi deu prus de una ndi pozza segai.
Chi deu prus de una tenga in possidenzia
mi privat sa lei troppu rigorosa,
e si a una sola dongu preferenzia,
s’atera nd'aturat dolenti e gelosa.
Si spiccu una rosa, s'atera s'intristat,
si custa m'acquistat s'atera ndi morit
custa si scolorit, si ddi fazzu offesa
cudda in sa frischesa benit a mancai.
Benit a mancai repentinamentì
po cali decidu sa sorti immutabili.
Si una est civili, s’atera attraenti,
si una est eleganti s’atera est abili,
custa est ammirabili, s'atera vezzosa
custa est generosa, s'atera innamorat,
e si una dd'onorat su bellu candori,
s'atera s'odori chi non perdit mai.
Chi non perdit mai, poita est naturali
in custas duas rosas profumu e bellesa,
s'affettu po s'una, e s'atera eguali
mantengu in su coru cun totu bivesa.
Oh incantu! oh bellesa! oh gioia, oh cuntentu!
Ma, oh grandu turmentu provat custu coru!
Is duas ddas adoru cun amori ardenti,
ma una solaménti ndi pozzu stimai.
Ndi pozzu stimai ma una solamenti
de custas duas rosas, chi tengu in giardinu.
De coru ddas bramu, però inutilmenti
de ddas podi tenni unias in su sinu.
Non miru germinu, non castiu gravellu,
ne flori prus bellu non nascit po mei
est giusta sa lei; duncas cun rispettu
ddis mantengu affettu senza ddas toccai,
Mantengu s'affettu po custus ddus floris,
chi de su beranu sunt amenidadi.
Ddus miru, m'incantu, ndi circu is odoris
in s'atongiu, in s'ierru, in beranu, in su stadi.
Totu est vanidadi però si ddas miru;
duas ndi suspiru e manc'una ndi gosu,
candu mi riposu in su sonnu ddas biu.
De su coru miu non s'hant'a appartai.
Non s'hanti a appartai po custa rexoni:
ch'innantis de spraxi ddas hapu stimadas
però mi cumbenit chi ddas abbandoni
già chi non ddas pozzu tenni accoppiadas.
Rosas coltivadas po su sinu miu,
si prus non si biu, forzis nd'hapu a morri,
mellus chi non torri prus a su giardinu
ca prangiu e m'affinu in su bosi mirai.
In su ddas mirai prangendi m'affinu
poita chi ddas perdu o forzis chi ddas biu
postas a adornai calicunu sinu
ma beni diversu de su sinu miu,
de coru fingiu, e forzis senza coru,
crudeli che Moru, perfidu Giudeu.
Chi senza recreu ddas hat a trattai.
Già chi, po sa lei tanti rigorosa,
unidas impari no ddas pozzu ottenni,
disigiu chi s'una e chi s’atera rosa
tengant in su gosu funtana perenni,
chi sa di solenni chi hant essi segadas,
bengat apprezziadas cant'hanti a meresci,
senza s'iscaresci de s'antigu amanti,
chi tempus innanti fattu hanti penai. |
| Arthacan |
Inserito il - 14/06/2008 : 22:12:33
Cussa est una cantzoni a curba chi est aintru de "sa coja de pitanu" una cumendia totu in versus del su 1910 chi iat scritu s'arretori de Gergei, Luisu Matta. Est unu est unu classicu de sa cumèdia campidanesa.
A intru de sa cumèdia, sa cantzoni dda càntat unu personagiu e un'atru dd'acumpàngiat sonendi is launeddas.
Un'atru personagiu, prima de issu, ndi càntat un'atra, sempri cantzoni a curba. Chistiònat de duas arrosas, famada e bella cussa puru!
De siguru ddas iat scritas innantis de scriri sa cumedia, e nci ddas at postas aintru.
|
| zagor |
Inserito il - 05/02/2008 : 18:58:40
Deu fatzu una terza asutta…..
..tocca là..attacca!!!...
|
| Albertina |
Inserito il - 05/02/2008 : 18:31:32
| zagor ha scritto:
Deu custa poesia dda sciu cantada…
E seisi finzas fortunaus ca no si dda potzu cantai innoi…
..ma giei d’agattu sa manera de mi vendicai!!! 
|
Deu puru dda sciu. Appa bolli bì chi torraus agualli cantendidda!!! |
| zagor |
Inserito il - 05/02/2008 : 18:30:01
Deu custa poesia dda sciu cantada…
E seisi finzas fortunaus ca no si dda potzu cantai innoi…
..ma giei d’agattu sa manera de mi vendicai!!!
|
| Albertina |
Inserito il - 04/02/2008 : 21:18:42
Grazie, Asia, un regalo davvero gradito |
| Nuragica |
Inserito il - 03/02/2008 : 23:15:21
Poita tindi depis andai??.. iscriri cumenti ci arrennescisi..
imoi asi iscritu meda beni.. sighi diaci  |
| asia |
Inserito il - 03/02/2008 : 23:11:45
| Nuragica ha scritto:
Asia tui puru innoi depis chistionai in sardu ajoooooo
Oj oj tengiu sa zironia totu arruinada cust'ota...
|
Deu no ddu sciu chistionai beni...
Itta fatzu? mi 'ndi deppu andai?  |
| Nuragica |
Inserito il - 03/02/2008 : 23:09:28
Asia tui puru innoi depis chistionai in sardu ajoooooo
Oj oj tengiu sa zironia totu arruinada cust'ota... |
| asia |
Inserito il - 03/02/2008 : 23:07:55
Albertina... ti faccio un bel regalo!
L'autore è un canonico di Nuragus... tal LUIGI MATTA.
http://www.poesias.it/poeti/matta_l...ta_luigi.htm
|
| Incantos |
Inserito il - 03/02/2008 : 22:59:28
| Nuragica ha scritto:
A chistionai in limba estiiiiiiiiiiiiiiiii ajohhhhhhhhhhhh menomali ca ci tengiu a Incantos chi faidi de sentinella!!
|
Du creu deu!! Cun tottu is trebuzzadasa chi happu ingortu!! |
| Nuragica |
Inserito il - 03/02/2008 : 22:51:11
A chistionai in limba estiiiiiiiiiiiiiiiii ajohhhhhhhhhhhh menomali ca ci tengiu a Incantos chi faidi de sentinella!! |
| campidano |
Inserito il - 03/02/2008 : 22:24:53
| Albertina ha scritto:
Grazie Campidano!!!!
Sai il nome dell'autore?
|
Penso sia LUIGI S.
E' in formato [PDF] e non specifica altro. |
| Albertina |
Inserito il - 03/02/2008 : 22:24:37
Grazie, Incantos, de s'avvisu.
Cust'angionedda iada a deppi essi sa sposa e margiani u dongiovanni chi ndi dd'adi soffiada a su sposu su.
Aicci esti? Campidanu? |
| Incantos |
Inserito il - 03/02/2008 : 22:21:35
Scriei in saldu.. deghinò arriba su cartellinu! |
|
|
Tutti i Forum
S'angionedda mia
