| V I S U A L I Z Z A D I S C U S S I O N E |
| Albertina |
Inserito il - 22/10/2008 : 16:13:54
Inseriamo qui tutte le filastrocche, le nenie e le ninne nanne che ci hanno insegnato i nostri vecchi e custodiamo questo materiale prezioso.
Custu est su procu
custu dd'ha mottu
custu d'adi abruschiau
custu si dd'at papau
e a Pistirinchinu
no ndi dd'hanti lassau.
Pistirinchiu
Mannu manniu
Sennori longu
Lingi pingiadasa
Bocci priogu.
Mamaioba mamaioba
Bai a Casteddu soba soba
Bittimi unu aneddu,
unu aneddu po sposai
Cun chi m’apu a coiai
Cun su fillu a Marroccu
Potta denti de procu
Potta denti de cani
Mamaioba mamaioba
pesadì a bobai.
Luna, luna potamì fortuna
portamì dinai po mi fai bella,
Sa luna e sa stella…
Po mi coiai
cun d’unu piscadori
bistiu a sennori
bistiu a sordau,
chi poti cappeddu
e mi pongat s’aneddu .
de oru e de prata.
Dinghili dinghili,
dinghili dou.
E su babbu si papat un ou
e su fillu altrettanti.
E s’apicat su panniananti
e s’apicat su pitaiolu.
Dinghili dinghili
maistu Taciolu.
Tru, tru…
Su burricu de nannai.
Aundi eus a bandai
a portai su trigu a molli
e de sa farra ita nd’eus a fai ?
Su civraxu moddi moddi
e s’idd’eus a papai
cun babai e cun mamai.
Tru, tru, tru…
su burricu de nannai.
Zicchiria zicchiria
Candu fui in bidda mia
Pappaa pibiri e gannella
Moi ca seu in bidda allena
Pappu scetti schivoria
Zicchiria zicchiria
Titia titia
su friusu 'e cudda tzia
su friusu 'e cudda strangia
chii bendit castanja
chi bendit sa nuxedda
sona sa campanedda
sonadda a foti a foti
s'intendada a monti
a monti Crabetu
e no di tochit bentu
ni bentu ni stracìa
titia titia
su friusu 'e cudda tzia.
Variante
Titia titia, su frius de cudda tzia,
su frius de cudda strangia
chi bendidi castangia
chi bendidi nuxedda
segaisindedda sa crocorighedda.
Tzurrundeddu, tzurrundeddu,
mamma tua est a Casteddu,
babu tu est a sa linna,
tzurrundeddu fora de pinna.
Scaberedda de topi , scaberedda de topi…
Chini nd’ at furau su casu de innoi?
Su 'atu
E candu d’at fattu ?
Imoi, imoi.
Unu cropu de bastoni.
( oppure su pisu pisoi/ u croppu de bastoi )
Dorodedda Dorodedda
Deu mi coiu cun Dominighedda
E mi coiat predi Solitu
E di ongu una coscia de crabittu
E di ongu unu sacu de piseddu
Cropu de bastoni a Ballori Cubeddu
Cropu de bastoni a sa pobidda
Sa chi non lassat callelus in bidda
Sa chi non lassat binu in carrada
Giochili giochili pota pingiada
Su dotori a palas de letu
Su dotori a palas de muru
Gopai Pisanu bistiu de asulu.
Giuanni, Giuanni
Motu de su famini
Motu de s’arrisu
Giuanni grisu
Grisu grisetu
Origas de botulu
Origas de sturru
Ddi olit su murru
e non podit papai.
Setzeiddu a cadira
e lassaiddu stai.
E duru duru e durueddu
Cantu mi costat custu mateddu,
tres dinais e tres buttonis
e unu pratu de macarronis
e unu pratu de titiaca.
E donaisiddu a sa tzeraca,
a sa tzeraca de Pedru Boi,
piga su pratu e bai ddoi.
Fisieddu Lecca
C’ est arruttu a mari
E non ant acutu a ndi ddu piscai.
Arriba tzia Teresa cun sa carretedda,
po ci ddu portai derettu a campusantu:
s’intendit su prantu de totu sa genti,
sa mama dolenti, su babu afrigiu ,
su fillu est partiu e non podit prus torrai.
Canta, canta carroga becia,
cucuru spinniau! A chi non ci olit crei
mussiaddu a unu pei.
Arrosu arrosu
mottu m'est su sposu
signora Rita Cau
mancu pezza m'hat toccau!
Mulleredda mia candu compra su binu,
Ndi bufat su mesu candu est in caminu.
A mei mi narat ca est mali misurau.
O ita mulleredda chi apu incapau.
Mulleredda mia
candu fai macarronis
ndi fait tres che tres schidonis
M’indi arruit unu e mi bocit su cani.
Mulleredda mia torramindi a fai.
Mulleredda mia
Candu fait su lettu,
in sa pati sua est totu deretu,
in sa pati mia est totu trotoxau.
O ita mulleredda chi apu incapau.
Mulleredda mia
candu andat a missa
totu is butegas si girat’issa
e mi narat c’at cuminigau.
O ita mulleredda chi apu incapau.
|
| 15 U L T I M E R I S P O S T E (in alto le più recenti) |
| Rita Niffoi |
Inserito il - 02/11/2013 : 18:27:28
A duru duru seddhu
mortu nos est s'aineddhu
como sa mola riposat
su corgiu l'amus in Bosa
pro nos achere sas iscarpas
bascias las cheres o artas?
A punta o a tacconeddhu?
A duru duru seddhu! |
| Sarrokesu |
Inserito il - 26/11/2012 : 17:49:55
Juanni, Juanni,
Origas de cani,
Origas de proccu,
Juanni pistoccu.
Nerì, nerì su dottori
a ki ddi pighit su puntori
a ki ddi pighit una callentura
ca cun s'iscusa de s'indovinadura
si 'ncest fufau s'acuardenti
a ki ddi pighit un'arrepenti !
|
| fruttino |
Inserito il - 15/11/2012 : 21:13:31
porto sa limba annoigada.... oia s'errisu |
| milly73 |
Inserito il - 16/01/2011 : 17:31:46
Caderina Caderina
duos cartos de arina
duos cartos de papassa
Caderina culibassa.
Pizineddu sue sue
Sue sa titta prena
Si ti dao una cadena
no la secas mancu tue
Pizineddu sue sue
Isperta isperta
Pili brundu 'e seda
che coa 'e pruneda
che coa 'e culunba
isperta prus brunda.
Antoni Antoni
su caddu li mori
andande a l’abbare
abba ' e mare
abba ' e puttu
Antoni cucuttu. |
| milly73 |
Inserito il - 16/01/2011 : 17:21:59
A mei mi nanta
Piriccu Trittillu,
no seu tanti bellu
però seu su lillu,
su lullu, su lallu
de dona Cecella,
trittillu, trattallu
de sa sposa bella.
Ma dona Cecella
sta sempiri in pena:
po mei no prandi,
no dromi, no cena,
ei mi stuggiada
su bellu nennei
chi bandada a mei
ei ei, ei ei.
Ma dona Cecellina
candu bandu a iscola
mi dà incontru sempri
annunziada e sola
candu mi bidi
mi sezzidi in coa
e olli chi di neri
sa lezioni noa.
Ma cussa lezioni
deu no, non da sciu
e po sa bregungia
mi fazzu arrubìu
e ai scusi ai scusi
mi pongu a scuccullai
e in bucciacca sua
nci incontru unu nannai.
Nannai, nennei,
nonnoi, anninnia
attru no isciu
animedda mia.
D'olli su coccoi?
D'olli su nonnoi?
No deu bollu su bobboi.
Diu diu danna
sa filla de gommai Anna
é motta in bidda manna
accanta e su serpenti
ascurtai bona genti
appiotu appiotu
su pipiu é mottu
mottu esti in guventu
non d'adi toccau bentu
nemancu cipiscia
in domu de zia Maria
zia Maria ogheddusu
a pappai proceddusu
biancusu e nieddusu
tottusu a bucca mia
Bò, Bò, Bobborè,
amos andare a s'Araghinè,
a goddire su 'asolè,
Bò, Bò, Bobborè. |
| milly73 |
Inserito il - 16/01/2011 : 17:18:39
Candu seu andau
apu agatau u mazzu de sparau
candu seu torrau appu festeggiau
e dhapu nau a tuttu s'ixinau.
Tai tai mendule in nai
mendule in saccheddu
fura porcheddu
non d'appo furau
in binza manna
che l'appo lassau.
In binza pitticca
furende canna
Paulu Paulu
inseddami un ainu
pro andare a marrone
a battire un anzone
un anzone corrudu
sos corros in cu...
Sa petta in busacca
Paulu zacca zacca
Su poddigheddu
su'e s'aneddu
su'e su dighidale
su conta dinare
su mazza prioghu
furende cannita
Babaiola, babaiola
piga su libru e bai a skola
piga su libru e ba' a Kasteddu
compradì unu bellu aneddu
unu bellu aneddu po ti coiai
babaiola impara a bolai
Baballotti, baballotti
chi camminada a su notti
chi camminada a dirì
baballotti... accuarì! |
| milly73 |
Inserito il - 16/01/2011 : 17:10:47
Luna, luna, luna
portami fortuna
portami dinai
po mi coiai
cun d'unu sennereddu
bistiu a cappeddu
bistiu a sordau
arruttu a terra
e squatarau
Pilloneddu pittiu pittiu
Pesau mi seu in su bonu caminu
Pesau mi seu in su bonu mangianu
Ogusu a cielu apu atziau
Ogusu a cielu a sa gloriosa
Frisca sesi ca sa rosa
Frisca sesi ca su zillu
Mamma cara a cuddu fillu
Mamma cara a cuddu santu
Babbu, Fillu e Spiritu Santu
Gesù Cristu candu nasciada
Bellu e bonu mi pariada
Bellu e bonu mi pariaisi
Unu cereu pottaiaisi
Unu cereu pottai tenendi
Cun unu libru liggendi
Cun d’una anima santa e savra
Gesù Cristu cun sa mamma |
| pandora |
Inserito il - 20/03/2010 : 17:20:24
Totollorotò sa mata torò
mannai messande
mannoi in su lettu
pizzinnu minnò! |
| UtOld |
Inserito il - 12/06/2009 : 21:41:49
Anninia anninia,
bellu ses ke-ì s'oro,
mi nde dolet su coro
mi nde dolen sas tittas;
sas benas meas sun siccas
siccas de sambene
fizu non poto pranghere
Mamas ki fizos pesaes
ja bidies sos fstizos
mamas ki penaes fizos
ja bidies sos dolores.
Sa morte ' e nostru Segnore
la depimus pranghere
kin lacrimas se sambene
Ninna-ninna ninna-nanna,
sei bello come l'oro
mi duole il cuore
mi duole il seno
le mie vene son secche
secche di sangue
figlio non posso piangere
mamme che allevate i
figli con pena, ben ne
vedete i fastidi e i dolori
la morte del nostro Signore
la dobbiamo piangere
con lacrime di sangue |
| UtOld |
Inserito il - 12/06/2009 : 15:22:19
Chi'est su mortu?
Jubanne Tortu
Chi l'hat mortu ?
Sa muzzere
E kin itte ?
Kin sa turudda
zittu zittu chi non b'hat nudda.
Ite l'han dau ?
Unu boe iscorrau.
Ite l'han'azzuntu?
Unu saccu istmpau.
E in intro ' e su saccu?
Unu catteddu braccu.
E in intro a su catteddu?
Uu moro nieddu.
E in'intro' e su moro?
una kraitta ' e oro
E in'intro ' e sa kraitta?
Una mendula iscritta.
E in in'intro' e sa mendula?
Unu pride pendula pendula.
E in'intro ' e su pride?
Una pranta ' e vide.
E in'intro ' e su prantone?
Ua mela lidone.
E in'intro ' e sa mela?
Unu prantone ' e beda.
Traduzione:
Chi è il morto?
Giovanni lo storto.
Chi l'ha ucciso?
La moglie.
E con che cosa?
Con il mestolo,
zitto zitto che non c'è nulla
Che cosa gli han dato?
Un bue scornato.
Che cosa gli hanno aggiunto?
Un sacco bucato
E dentro il sacco?
Un cagnolino bracco.
E dentro il cagnolino?
Un moro negro.
E dentro il moro?
Ua chiavetta d'oro.
E dentro la chiavetta?
Una mandorla scritta.
E dentro la mandorla?
Un prete penzolante.
E dentro il prete?
Una piantina di vite.
E dentro la piantina?
Un corbezzolo.
E dentro il corbezzolo?
Una piantina di bietola.
|
| UtOld |
Inserito il - 11/06/2009 : 23:35:50
Coro meu aioe aioe
a collìre neulache
a Nugoro keren fachere
keren facher meraviglia
bidu appo duas pastiglias
ki non curren in su puntu
bidu appo unu defuntu
interrau bell'e bibu
bidu appo jumpare ribu
siccu essende currende
bidu appo foku tenende
kene b'aer fumu in locu
bidu appo tenende foku
kene baer kisina.
Sos boes de sa marina
tiran'a puntu e palas
un'ambidda duas clas
bad'in su rui ' e bidda
duas calas un'ambidda
sunt'in su' e Macumere
non poded'andare bene
duas ballas unu sonu
su kaddu mùrtinu bonu
juket kambas ' e barbarja
bidu appo duas tattajas. |
| UtOld |
Inserito il - 11/06/2009 : 23:29:13
Tip tap tip tap
appas kimbikentas bakkas
e kimbikentas berbeches
e porcos kent'e deke
e bintikimbe aineddos
tottus puddericaos
e binti ebbas domas
e binti gal'a domare
a duru duru a ti ballare
Tottu kerjo relatore
tottu ss bisondzos meos
porkeddos bene arrustios
e anzones a cassola
petha bona de mazzola
ki non l'andet malu trastu
petha de anzone mascru
secada e fatt'a brou
e fatta de bonu
pro ns essire appetittu
donzi die unu krapittu
ki tenzat tres kidas
a puddikinas krompias
mi'nde dio manicare
si tenio su dinare
de Jubanne Gadduresu. |
| UtOld |
Inserito il - 08/06/2009 : 21:26:18
Cumparta sa luna
cumpartas sas istellas
cudda sa prus bella
ki s'anghelu indora
ki cantat sa fortuna
kin grande armonia
dormi vida e coro
reposa a ninnia
dormi dormi coro
dormi cun dulzura
non tenzas paura
d'esser perturbadu
o Verbu incarnadu
in sinu 'e Maria
dormi vida ' e coro
reposa a ninnia
cuddu pitzzinneddu
non porta manteddu
nemmancu corittu
in die de frittu
non narat tittia
dormi vida ' e coro
reposa ninnia. |
| UtOld |
Inserito il - 08/06/2009 : 21:22:30
Bantonia Canzittu curiosa
ki keret pannikeddu de tibè
sa mama l'hat narau ki non b'è
cà li bisonzat atera cosa. |
| UtOld |
Inserito il - 07/06/2009 : 17:25:17
A ninnia a ninnia
su bellu ' e ma sias
a ninnia a ninnare
su bellu de ammirare
a ninnia a ninnare
a sos kentu durare
a ninnia a ninnare
non ti toket male
fizzu meu,
ca mi dormo su bene
cumanda cando keres
cando kers cumanda
fizzu meu,
Mi dormo sa pitzzinna
sa pitzzinna ' e sa mama
ki l'azudet sant'Anna
fizza mea |
Tutti i Forum
Filastrocche, nenie e ninne nanne in limba
